کرناٹک میں 120ٹن لکویڈ آکسیجن کی آمد

Source: S.O. News Service | Published on 12th May 2021, 12:44 PM | ریاستی خبریں |

بنگلورو،12/مئی(ایس او نیوز) ریاست کرناٹک میں میڈیکل آکسیجن کی قلت ہنوز جاری ہے۔ حکومت آکسیجن منگوانے کی ہر ممکن کوشش کرنے کا دعویٰ کررہی ہے۔ ریاست کی راجدھانی بنگلورو میں پہلی آکسیجن ایکسپریس کی آمد ہوئی۔

ذرائع کے مطابق جمشید پور کے ٹاٹا نگر سے ایک خصوصی ریل گاڑی کے ذریعہ 120ٹن لکویڈ آکسیجن   صبح 9.35بجے بنگلورو کے وائٹ فیلڈ کے انلینڈ کنٹائنر ڈپو پہنچی ہے۔یہ خصوصی ریل گاڑی بروز پیرجمشید پور سے صبح کی اولین ساعتوں میں 3بجے بنگلورو کے لئے روانہ ہوئی تھی اور  صبح وائٹ فیلڈ پہنچی۔ اس ریل گاڑی کو سگنل کے بغیر گرین کوریڈار سے روانہ کیا گیا تھا۔ یہ ریل گاڑی آکسیجن کے 6کنٹائنروں کے ساتھ پہنچی ہے۔ ہر کنٹائنر میں 20ٹن لکویڈ آکسیجن بھری ہوئی ہے۔یہ آکسیجن بنگلورو اورر یاست کے مختلف اسپتالوں میں تقسیم کی جائے گی۔

مرکزی وزیر ریلویز پیوش گوئل نے اپنے ایک ٹوئٹ میں یہ اطلاع دی ہے۔یہ آکسیجن ریاست میں کووڈ19مریضوں کے علاج میں استعمال کی جائے گی۔

ایک نظر اس پر بھی

میسورو میں ’ڈیلٹا پلس‘ فارم کا پہلا کیس سامنے آیا

میسورو میں کورونا وائرس سے متعلق ’ڈیلٹا پلس‘ شکل کا پہلا کیس سامنےآیا ہے۔ تاہم متاثرہ شخص کو اس مرض کی کوئی علامت نہیں ہے اور جو بھی اس کے ساتھ رابطہ میں آیا ہے وہ انفکیشن میں نہیں ہے۔ ریاستی وزیر صحت ڈاکٹر کے سدھاکر نے یہ جانکاری دی۔ 

سابق وزیر اعظم دیو ےگوڑا پر 2 کروڑ روپے جرمانہ عائد

ریاست کرناٹک کی بنگلورو کی ایک عدالت نے 10 سال قبل ٹیلی ویژن انٹرویو میں نندی انفراسٹرکچر کوریڈور انٹرپرائزز (نائس لمیٹڈ) کے خلاف توہین آمیز بیانات دینے پر سابق وزیر اعظم ایچ ڈی دیوے گوڑا کو کمپنی کو 2 کروڑ روپے ہرجانے کے طور پر ادا کرنے کی ہدایت کی ہے۔

کرناٹک میں مزید 4 اضلاع اَن لاک کی رعایتیں، دوپہر تک دکانیں کھولنے کی اجازت

کووڈ۔19 کا پھیلاؤ کم ہونے کے  سبب  مزید 4 اضلاع میں حکومت نے اَن لاک کی رعایتیں دی ہیں، یہاں کووڈ پازیٹیو معاملات کی شرح 5 فیصد سے کم ہوگئی ہے۔ دکشن کنڑا، ہاسن، داونگیرے اور چامراج نگر میں صبح 6 بجے تا دوپہر 1 بجے تک ضروری اشیا کی خریداری کے لئے دکانیں کھلی رکھنے کی اجازت دی گئی ...

بنگلور کے جے ہلّی اور ڈی جے ہلّی تشدد معاملے میں اے پی سی آر کی کوششوں سے چار لوگوں کو ملی ضمانت

گذشتہ سال اگست میں  بنگلور کے ڈی جے ہلّی اور کے جے ہلّی میں ہوئے تشدد کے واقعات    اور رکن اسمبلی  اکھنڈ شری نواس مورتی کے مکان  کو آگ لگانے کے معاملے  میں گرفتار  رحمان خان اور محمد عدنان سمیت چار لوگوں  کو کرناٹک ہائی کورٹ  نے ضمانت پر رہا کرنے کا حکم دیا ہے۔