بنگلورو :اسپتال کا فرضی ویڈیو وائرل، ایک شخص گرفتار

Source: S.O. News Service | Published on 22nd July 2020, 1:02 PM | ریاستی خبریں |

بنگلورو، 22؍جولائی (ایس او نیوز) سوشل میڈیا پر وائرل ایک ویڈیو فرضی نکلا جس میں بنگلورو میں کووڈ۔19 کے مریضوں کا علاج کرنے والے ایک اسپتال کے ابتر حالات دکھائے گئے تھے۔ پولیس نے اس ضمن میں ایک شخص کو گرفتار کر لیا۔

پولیس نے کہا کہ اس طرح کے ویڈیو سے سماج میں دہشت پھیلنے کا اندیشہ ہے اور لوگوں میں اس کو پھیلانے سے پچنا ہے۔ پولیس نے اعلان کیا تھا اس نے اس ضمن میں ایک کیس درج کیا ہے جس کے کچھ گھنٹوں کے اندر ہی ایک شخص کو گرفتار کر لیا گیا ۔ اس ویڈیو میں ایک اسپتال کے اوپی ڈی میں ماسک لگائے ہوئے لوگوں کا ہجوم نظر آرہا ہے۔ اس اسپتال کی شناخت وکٹوریہ اسپتال کی حیثیت سے کی گئی ہے جو غلط ہے۔ وکٹوریہ اسپتال یہاں اصل کووڈ اسپتال ہے۔ ویڈیو سوشیل میڈیا پر وائرل ہوگیا۔

بنگلورو کے پولیس کمشنر بھاسکر راؤ نے ٹوئٹ کیا کہ ’’شہر کی کرائم برائچ نے بنگلورو کے وکٹوریہ اسپتال میں دہشت کا فرضی ویڈیو وائرل کرنے والے اس شخص کی تیزی سے شناخت کی اور اسے گرفتار کیا۔‘‘ اپنی بہترین خدمات فراہم کرنے والے سبھی ڈاکٹرس اور میڈیکل پیشہ ورستائش کے حقدار ہیں۔ فرضی خبر کا پردہ فاش ۔ اس سے پہلے پولیس نے کہا تھا کہ اس نے اس سلسلے  ایک کیس درج کیا ہے۔

جوائنٹ کمشنر پولیس (کرائم ) سندیپ پاٹل نے ٹوئٹ کیا کہ بنگلورو میں اسپتال کے ابتر حالات کو دکھانے والا ایک فرضی ویڈیو سوشل میڈیا پر چل رہا ہے۔ حکومت اور سماج عالمی وباء سے لڑرہے ہیں وہیں کچھ لوگ ایسے پیغام یا ویڈیو بنارہے ہیں اور نشر کررہے ہیں جن میں سماج میں دہشت پیدا کرنے کی صلاحیت ہوتی ہے۔ اس سے گریز کریں۔ سرکاری ذرائع نے بتایا کہ ویڈیو مبینہ طور پر شمالی ریاست کے ایک اسپتال کا ہے نہ کہ وکٹوریہ کا اسپتال کا۔

ایک نظر اس پر بھی

کانگریس اور جے ڈی ایس لینڈریفارم ترمیمی ایکٹ کی سخت مخالف، کسانوں کے حقوق اورزمین کی حفاظت کیلئے جدوجہدکریں گے:سدارامیا

کسانوں کے حقوق کے ساتھ ان کی زمینوں سے بھی بے دخل کرنے پرآمادہ ریاستی حکومت کے لینڈریفارم ایکٹ کے ترمیمی مسودہ کے خلاف اسمبلی سیشن میں نہایت سختی کے ساتھ آوازاٹھائیں گے۔