کرناٹکا لیجسٹیو کونسل کی 25نشستوں کے لئے 10 دسمبر کو ہوں گے انتخابات؛ ریاستی الیکشن کمیشن نے جاری کئے نظام الاوقات
بنگلورو، 10؍نومبر (ایس او نیوز) کرناٹک میں ودھان پریشد کے 20 حلقوں کے 25 مقامات کیلئے الیکشن کمیشن نے ٹائم ٹیبل جاری کردیا ہے۔ الیکشن کمیشن نے اس سلسلے میں اطلاعات دیتے ہوئے بتایا کہ 10 دسمبر کو لیجسٹیو کونسل کے انتخابات ہوں گے، سیاسی پارٹیوں میں یہ انتخابات بڑے ہی اہمیت کے قابل ہیں۔ اس کیلئے 16 نومبر کو نوٹیفکیشن جاری کیا جائے گا جبکہ 23 نومبر تک نامزدگی کرنے کی گنجائش ہے۔ 24 نومبر کو پرچوں کی جانچ کی جائے گی اور جو لوگ عرضی واپس لینا چاہتے ہیں وہ 26 نومبر تک اپنی عرضیاں واپس لے سکتے ہیں۔
10 دسمبر کی صبح 8 بجے سے 4 بجے تک انتخابات ہوں گے اور 14 دسمبر کو ووٹوں کی گنتی ہوگی، 16 دسمبر کو الیکشن کی کارروائی مکمل ہوگی۔
کرناٹک ودھان پریشد کے مقامی اداروں سے 25 افراد ایم ایل سی کیلئے منتخب ہوتے ہیں۔ ان میں سے 20 اسمبلی حلقوں سے 25 نمائدوں کا انتخاب ہوگا ہے۔ 2022 کے 5 جنوری کو موجودہ 25 اراکین سبکدوش ہوں گے۔
ان عہدوں کیلئے بیدر کے وجئے سنگھ (کانگریس)، گلبرگہ کے بی جی پاٹل (بی جے پی)، بیجاپور کے ایس آر پاٹل (کانگریس)، بیجاپور کے سنیل گوڑا پاٹل(بی جے پی)، بیلگام کے مہانتیش کوٹگی مٹ(بی جے پی)، وویک راؤ وسنت پاٹل (کانگریس)، شمالی کینرا کے شری کانت گوٹینکر(کانگریس)، دھارواڑ کے پردیپ شیٹر(کانگریس)، دھارواڑ شرینواس مانے(کانگریس)، رائچور کے بسوراج پاٹل اٹگی (کانگریس)، بیلاری کے کے سی کونڈیا(کانگریس)، چترادرگہ کے رگھوآچار(کانگریس)، شیموگہ کے آر پرسننا کمار(کانگریس)، جنوبی کینرا کے کے پرتاپ چندرشیٹی (کانگریس)، جنوبی کینرا کوٹہ شرینواس پجاری (بی جے پی)، چکمگورو کے ایم کے رانیش (بی جے پی)، ہاسن کے ایم اے گوپال سوامی (کانگریس)، ٹمکوروکے بیمل کانت راج (جے ڈی ایس)، بنگلورو کے ایم نارائن سوامی (کانگریس)، بنگلورو رول کے ایس روی (کانگریس)، کولار کے سی آرمنوہر ( جے ڈی ایس)، کورگ کے سنیل سبھر منیا ( بی جے پی)، میسورو کے آر دھرماسینا (کانگریس) اور سندیش ناگراج (جے ڈی ایس) کے سبکدوش ہونے والوں میں سے ہیں۔