وشوا کنڑا کلا کوٹہ کے زیر اہتمام تہنیتی اجلاس، ڈاکٹروں کو لالچی نہیں بلکہ دلدار ہونا چاہئے:ڈاکٹر منجوناتھ
بنگلورو،2؍ دسمبر(ایس او نیوز)جئے دیوا انسٹی ٹیوٹ آف کار ڈیا لوجی کے ڈائرکٹر و پد ماشری ڈاکٹر سی این منجوناتھ نے کہا کہ ڈاکٹر کو پیشہ و ر اور دلدار ہونا چاہئے نہ کے دولت کا لالچی۔وشوا کنڑا کلا کوٹہ کے زیر اہتمام منعقد تہنیتی اجلاس سے خطاب کر تے ہو ئے ڈاکٹر منجوناتھ نے اس خیال کا اظہار کیا او رکہا کہ دنیا میں انسان صرف عقلمند نہیں دلدار بھی ہے اور اس طرح کے افراد کی تعداد میں اضافہ ہونا چاہئے۔انہوں نے کہا کہ ڈجیٹا لائزیشن اور موبائل نے انسانی رشتوں کو ہی ختم کر دیا ہے،پہلے کہیں دور مقامات میں ایک دو چوری کے معا ملات پیش آتے تھے،لیکن آج دنیا کے کسی کونے میں بیٹھ کر کسی بھی رقم آسانی کے ساتھ اڑا لی جا رہی ہے۔ اسی طرح موبائل کے آگے عوام کو کسی اور کی اہمیت نہیں ہے۔ انہوں نے وشوا کلا کوٹہ کی جانب سے ”دھرو اتا رے“ ایوارڈ نے نوازے جانے والے قدوائی میمو رئل کینسر اسپتال کے ڈاکٹر سی رامچندرا کی خدمات کو سراہا۔ ایوارڈ قبول کر تے ہو ئے ڈاکٹر سی رامچندرا نے کہا کہ کس طرح ان کی زندگی کو لار ضلع کے چھوٹے قریہ سے شروع ہو کرآج اس مقام تک پہنچی ہے۔انہوں نے کہا کہ ڈاکٹر کا پیشہ انہیں بے حد پسند ہے اور اگر ان کی خواہش کے مطابق کام نہیں ہوا تو سب پر غصہ کرنے کو دل کہتا ہے۔ اس موقع پر طبی شعبہء میں نمایاں حدمات انجام دینے والے وکٹوریہ اسپتال کے سی ایم او ڈاکٹر شیو کمار،نفرولوجی،شعبہء کی ڈاکٹر لیلا وتی،وکٹوریہ اسپتال آئی سی یو شعبہء کے کو آرڈینٹر ڈاکٹر مہیش،انو گراہا کلینک کولار کے ای این ٹی اسپشلٹ ڈاکٹر کوجی کے نارائن،میڈیکل ڈگری میں 3گولڈ میڈل حاصل کرنے والے سرینواسپور کے ڈاکٹر کے آر رشی،کو لار تعلقہ کے معروف آیورویدک ڈاکٹر جے رام مورتی،وانی ولاس اسپتال کے سپرنٹنڈنٹ ڈاکٹر گیتا شیو مورتی اور لکشمی نرسنگ ہوم کے ڈائرکٹر ڈاکٹر نوین کو اعزاز سے نوازا گیا۔اس موقع پر ماحولیات نواز یلپا ریڈی،کوٹہ کے صدر جی این سریش و دیگر حاضر رہے۔