سدرامیا کے خلاف سونیا گاندھی کو دیوے گوڈا کا مکتوب، ریاست کے حکمران اتحاد میں دراڑ کی اصل وجہ

Source: S.O. News Service | By Shahid Mukhtesar | Published on 16th May 2019, 2:18 PM | ریاستی خبریں |

بنگلورو،16/مئی(ایس او نیوز) سابق وزیر اعلیٰ اور ریاست میں حکمران اتحاد کی رابطہ کمیٹی کے چیرمین سدرامیا کے متعلق سابق وزیر اعظم ایچ ڈی دیوے گوڈا کی طرف سے سابق کانگریس صدر سونیا گاندھی کو لکھا گیا مکتوب ریاستی حکمران اتحاد میں دراڑ کا سبب تصور کیا جارہا ہے۔ بتایاجاتا ہے کہ حال ہی میں دیوے گوڈا نے یو پی اے کی صدر نشین سونیا گاندھی کو مکتوب لکھ کر ان سے گزارش کی کہ ریاست میں اگر کانگریس جے ڈی ایس اتحاد کو بچانا ہے تو سدرامیا کی زبان پر لگام کسیں۔ دیوے گوڈا نے اس مکتوب میں الزام لگایا کہ سدرامیا مخلوط حکومت کو کمزور کرنے کی بارہا کوششیں کررہے ہیں اسی لئے ان پر لگام کسی جائے۔ لوک سبھا انتخابات میں کرناٹک کی سطح پر کانگریس جے ڈی ایس اتحاد کا سبوتاژ کرنے کا الزام سدرامیا پر عائد کرتے ہوئے سابق وزیراعظم نے کہاکہ اگر یہ اتحاد ٹھیک طرح سے آگے بڑھتا تو ریاست میں کانگریس اور جے ڈی ایس کو 20 سے زائد لوک سبھا سیٹوں پر کامیابی ملتی جو اب ناممکن نظر آرہی ہے۔جیسے ہی سدرامیا کو یہ بات معلوم ہوئی تو وہ آگ بگولہ ہوگئے اور اس کے بعد سے ہی سدرامیا کو دوبارہ وزیراعلیٰ بنانے کے بیانوں کا سلسلہ شروع ہوا۔ اس مرحلے میں ریاستی جے ڈی ایس صدر وشواناتھ نے بھی سدرامیا پر شدید نکتہ چینی کردی۔ 

ایک نظر اس پر بھی

بنگلورو: نشے میں دھت شخص نے فٹ پاتھ پر 7 لوگوں کو کچل دیا

شراب کے نشے میں دھت ایک شخص نے بہت تیز رفتار کار فٹ پاتھ پر چڑھا دی اور فٹ پاتھ پر چل رہے 7 افراد اس کار کی زد میں آ گئے۔ زخمیوں کو فوراً اسپتال پہنچایا گیا اور خبر لکھے جانے تک ان لوگوں کی حلات نازک بنی ہوئی ہے۔ یہ واقعہ بینگلورو کے ایچ ایس آر لے آؤٹ علاقے کا ہے۔

سناتن سنستھا کی شائع کردہ کتاب نے ملزموں کو ایم ایم کلبرگی کے قتل پر اکسایاتھا۔ایس آئی ٹی نے کیا اپنی چارج شیٹ میں دعویٰ

تقریباً چار سال قبل مبینہ طور پر ہندوتوا وادی شدت پسندوں نے مصنف اور دانشور ایم ایم کلبرگی کاجو قتل کیا تھا اس کی تحقیقات کرنے والی خصوصی ٹیم (ایس آئی ٹی) نے چارج شیٹ داخل کردی ہے جس میں کہا گیا ہے کہ جس ملزم نے صحافی و دانشور گوری لنکیش کے گھر تک قاتل کو اپنی موٹر بائک پر پہنچایا ...

امیت شاہ کی ہری جھنڈی۔ریاستی کابینی میں منگل کو توسیع

ریاستی وزیراعلیٰ بی ایس ایڈی یورپا نے آج شام دہلی میں مرکزی وزیر برائے داخلہ امیت شاہ سے ملاقات کی۔ امیت شاہ نے آخر کار ریاستی کابینہ میں پہلے مرحلہ کی توسیع کے لئے گرین سگنل دے دیا ہے۔ پہلے مرحلہ میں 11تا13وزراء کو کابینہ میں شامل کیاجائے گا۔