دہلی کورٹ میں شوٹ آؤٹ سے ناراض وکلاء نے ہڑتال کا کیا فیصلہ، کانگریس نے راجدھانی کو ’کرائم کیپٹل‘ بنانے کا لگایا الزام

Source: S.O. News Service | Published on 25th September 2021, 12:07 AM | ملکی خبریں |

نئی دہلی،25؍ستمبر(ایس او نیوز؍ایجنسی) راجدھانی دہلی واقع روہنی کورٹ میں جمعہ کو ایک جج کی عدالت میں ہوئے شوٹ آؤٹ کے خلاف وکلاء نے ناراضگی کا اظہار کیا ہے۔ واقعہ سے ناراض دہلی کی مختلف عدالتوں کے وکیلوں نے ایک دن کی ہڑتال بلانے کا اعلان کر دیا ہے۔ اپنا احتجاج ظاہر کرنے کے لیے وکیلوں نے ہفتہ کو راجدھانی دہلی کی سبھی ضلع عدالتوں میں ایک دن کی ہڑتال طلب کی ہے۔ اس دوران کوئی بھی وکیل کام نہیں کرے گا۔

راجدھانی کے انتہائی سیکورٹی والی عدالت میں برسرعام فائرنگ کی واردات کو لے کر دہلی پردیش کانگریس نے وزیر داخلہ امت شاہ اور دہلی کے وزیر اعلیٰ اروند کیجریوال کو تنقید کا نشانہ بنایا ہے۔ دہلی کانگریس صدر چودھری انل کمار نے کہا کہ برسرعام گولی چلنا یہ ثابت کرتا ہے کہ دہلی میں جنگل راج قائم ہے۔ انھوں نے کہا کہ ملک کی راجدھانی اب ’کرائم کیپٹل‘ یعنی جرائم پیشوں کی راجدھانی بن گئی ہے۔

دہلی کانگریس صدر انل کمار نے کہا کہ دہلی کی سیکورٹی کے انتظامات پر سوال اٹھنے لگے ہیں، وزیر اعلیٰ انتخابی سفر میں مصروف ہیں، وہیں ملک کے وزیر داخلہ امت شاہ کو دہلی سے کوئی لینا دینا نہیں ہے۔ انھوں نے کہا کہ ’’کورٹ میں تقریباً 40 راؤنڈ گولیاں چلنے سے جج، وکیل اور دیگر لوگوں کی جان خطرے میں تھی۔ یہ واقعہ ظاہر کرتا ہے کہ کفیہ نظام پوری طرح سے ناکام ہو چکا ہے، جب کہ دہلی پولیس کو خفیہ نظام سے جانکاری ملی تھی کہ اس طرح کا واقعہ ہوگا۔ ایک مہلوک نے ایک ویڈیو ڈال کر حملے کا اندیشہ ظاہر کیا تھا، اس کے بعد بھی برسرعام اس طرح کا واقعہ سرزد ہوا۔‘‘

دہلی کانگریس صدر نے اعداد و شمار پیش کرتے ہوئے کہا کہ دہلی میں قتل، تاوان سمیت تمام جرائم میں 2015 اور 2019 کے دوران 57 فیصد کا اضافہ ہوا ہے۔ اسی طرح دہلی میں خواتین کے خلاف جرائم میں 2015 اور 2020 کے دوران 42 فیصد کا اضافہ ہوا ہے۔ گزشتہ سال 15 اگست اور اس سال 15 اگست کے دوران عصمت دری کے معاملے میں 36 فیصد کا اضافہ ہوا ہے۔

واضح رہے کہ جمعہ کو دہلی واقع روہنی کورٹ میں پیشی کے دوران بدنام زمانہ بدمعاش گوگی پر کچھ لوگوں نے فائرنگ کر دی جس میں وہ مارا گیا۔ وہاں موجود پولیس نے بھی بدمعاشوں کی فائرنگ کا جواب دیا اور دونوں حملہ آوروں کو مار گرایا۔ دونوں مسلح بدمعاش وکیل کے لباس میں پہنچے تھے اور اسی وجہ سے انھیں پہچانا نہیں جا سکا۔ پولیس ذرائع کا کہنا ہے کہ ٹلّو تاجپوریا گینگ نے وکیل کے لباس میں گوگی پر حملہ کیا۔

ایک نظر اس پر بھی

جموں و کشمیر کو جلد ہی مکمل ریاست کا درجہ ملنا چاہیے:ادھیررنجن چودھری

کانگریس لیڈر ادھیر رنجن چودھری نے ہفتہ کو جموں و کشمیر میں سیاسی نظم و ضبط کی بحالی کا مطالبہ کیا اور جموں و کشمیر کو ریاست کا درجہ بحال کرنے کا مطالبہ کیا تاکہ جلد سے جلد اسمبلی انتخابات کرائے جا سکیں۔

اننیا پانڈے این سی بی کے سامنے پیش نہیں ہوئیں

بالی ووڈ اداکارہ اننیا پانڈے منشیات سے متعلق کیس میں گرفتار آرین خان کے ساتھ مبینہ واٹس ایپ چیٹ کے سلسلے میں پوچھ گچھ کے لیے پیر کو یہاں نارکوٹکس کنٹرول بیورو (این سی بی) کے سامنے پیش نہیں ہوئیں۔

دہلی حکومت پٹاخے کے خلاف مہم شروع کرے گی

دہلی کے وزیر ماحولیات گوپال رائے نے پیرکوکہاہے کہ شہر حکومت 27 اکتوبر سے پٹاخوں کو جلانے کے خلاف آگاہی پیدا کرنے کے لیے ایک مہم پٹاخے نہیں جلاؤ شروع کرے گی۔