دہلی میں سونے کی اسمگلنگ کے الزام میں تاجکستان خاتون سمیت دو گرفتار
نئی دہلی،10نومبر(ایس او نیوز/آئی این ایس انڈیا) دہلی ہوائی اڈے پر مختلف معاملے میں 50 لاکھ روپے قیمت کے سونے کی اسمگلنگ کے الزام میں 56 سالہ ایک شخص اور تاجکستان کی ایک خاتون کو گرفتار کیا گیا ہے۔حکام کی جانب سے اتوار کو جاری بیان کے مطابق وہ شخص بینکاک ہوتے ہوئے آکلینڈ سے دہلی پہنچا تھا۔یہاں پہنچنے کے بعد اسے روک کر اس سے پوچھ گچھ کی گئی۔بیان کے مطابق مسافر اور اس کے سامان کی تلاشی میں سونے کی کئی چیزیں، ہیرے سونے کے دو انگوٹھیاں اور ایک کالے ہینڈبیگ میں چھپاکررکھی گئی سونے کی 12 چھڑیں ملیں۔سونے کی تمام اشیاء کا وزن 627 گرام تھا اور ان کی متوقع مارکیٹ کی قیمت 26.76 لاکھ روپے ہے۔ تمام اشیاء پر قبضہ کر کے56 سالہ شخص کو گرفتار کر لیا گیا ہے۔اس کے مطابق کسٹم حکام نے جمعہ کو استنبول سے دہلی پہنچی 44 سالہ تاجکستانی خاتون کو حراست میں لے لیا۔مسافر کی تحقیقات کے بعد اس کے پاس سے 650 گرام سونا برآمد ہوا۔ بیان کے مطابق خاتون کو گرفتار کر لیا گیا ہے اور ضبط کئے گئے سونے کی متوقع مارکیٹ کی قیمت تقریباً24.49 لاکھ روپے ہے۔