امفان: اڈیشہ اور بنگال میں تیز ہواؤں کے ساتھ بارش، بحریہ راحت کاری کے لیے تیار

Source: S.O. News Service | Published on 20th May 2020, 3:33 PM | ملکی خبریں |

کولکتہ،20؍مارچ (ایس او نیوز؍ایجنسی) امفان طوفان تیزی کے ساتھ اڈیشہ اور مغربی بنگال کے ساحلی علاقوں کی طرف قدم بڑھا رہا ہے۔ مغربی بنگال کے دیگھا اور اڈیشہ کے پارادیپ ساحل پر صبح سے ہی زبردست بارش ہو رہی ہے۔ امکان ظاہر کیا جا رہا ہے کہ امفان کچھ گھنٹوں میں ساحلی علاقوں سے ٹکرا سکتا ہے۔

اڈیشہ کے کیندرپاڑا اور بالاسور ضلع کے چاندی پور میں تیز ہوا چلنے کے ساتھ بارش ہو رہی ہے، جب کہ دوسری طرف مغربی بنگال کے مشرقی میدنی پور واقع دیگھا میں تیز ہوائیں تو چل ہی رہی ہیں، ہائی ٹائیڈ کا نظارہ بھی دیکھنے کو مل رہا ہے۔ امکان ظاہر کیا جا رہا ہے کہ امفان طوفان کی وجہ سے آج لینڈ فال بھی ہو سکتا ہے۔

مغربی بنگال کے ائیر پورٹر ڈائریکٹر کا کہنا ہے کہ امفان طوفان کے سبب کل صبح 5 بجے تک کولکاتا ائیر پورٹ کو بند کر دیا گیا ہے۔ سارے آپریشن بند کیے گئے ہیں۔ اس میں کورونا کے سبب آنے والی اسپیشل فلائٹس بھی شامل ہیں۔

ہندوستانی بحریہ کا کہنا ہے کہ اڈیشہ اور مغربی بنگال کے لیے جیمنی بوٹ اور میڈیکل ٹیم کے ساتھ 20 بچاؤ ٹیموں کو تیار رکھا گیا ہے۔ بحریہ کے ائیرکرافٹ بحریہ اسٹیشنوں وشاکھاپٹنم میں آئی این ایس ڈیگا اور اراکونم میں آئی این ایس راجالی راحت و بچاؤ کام کے لیے تیار ہیں۔

اڈیشہ کے خصوصی راحتی کمشنر پی کے جینا نے بتایا کہ "ایک گھنٹے قبل پارادیپ میں 102 کلو میٹر فی گھنٹہ کی رفتار سے ہوا چلی تھی۔ آج شام کو مغربی بنگال میں سندربن کے پاس لینڈ فال کا امکان ہے۔ اگلے 6 سے 8 گھنٹے انتہائی اہم ہیں۔" افسران نے بتایا کہ طوفان کے سبب مغربی بنگال اور اڈیشہ میں جوکھم والے علاقوں سے لاکھوں لوگوں کو محفوظ مقامات پر پہنچایا گیا ہے۔ دونوں ریاست ہائی الرٹ پر ہیں کیونکہ طوفان کی وجہ سے تیز رفتار ہوائیں چل رہی ہیں اور اڈیشہ میں کئی علاقوں میں بارش بھی شروع ہو چکی ہے۔

محکمہ موسمیات نے طوفان کے خطرہ کو دیکھتے ہوئے کئی ریاستوں کے لیے ہائی الرٹ اور آرینج الرٹ جاری کیا ہے۔ اڈیشہ اور آسام کے لیے ہائی الرٹ جاری کیا گیا۔ مغربی بنگال، تمل ناڈو، آندھرا پردیش، پڈوچیری، تریپورہ، مزورم، منی پور اور جموں و کشمیر کے لیے آرینج الرٹ جاری کیا گیا ہے۔

ایک نظر اس پر بھی

ملک میں گزشتہ 24 گھنٹے میں کورونا کے 6387 نئے معاملے، متاثرین کی تعداد 1.50 لاکھ سے متجاوز

ملک میں گزشتہ دو دنوں کے دوران کورونا انفیکشن کے نئے معاملوں میں جزوی کمی آئی اور تقریباً 4000 لوگوں کے صحت مند ہونے سے جہاں تھوڑی راحت ملی ہے، وہیں گزشتہ 24 گھنٹے میں انفیکشن کے 6387 نئے کیس سامنے آنے سے ملک میں اس سے متاثر ہونے والے لوگوں کی تعداد 1.50 لاکھ سے تجاوز کر گئی ہے۔

گجرات کے سورت سے نکلی ٹرین ، بہار کے چھپرا کے بجائے پہنچی کرناٹک کے بنگلورو: مزدورں کا حال بے حال

لاک ڈاؤن کی مدت میں مزدوروں کو ان کے وطن لوٹانے گجرات سے نکلی ایک مزدور ٹرین (شریمک ریل ) بہار پہنچنے کے بجائے کرناٹکا کے بنگلورو پہنچ کر سب کو حیرت میں ڈال دیا ہے۔ گرچہ یہ ایک مذاق لگتا ہے مگر ہے حقیقت۔ اسی طرح اور ایک خصوصی مزدور ریل گجرات کے سورت سے 1200مزدوروں کو لے کر بہار کے ...

تبلیغی جماعت کے 57 غیر ملکی افراد عدالت سے بری، حکومت ہریانہ کو ان کے ملک بھیجنے کا حکم

  ہریانہ کی ایک عدالت نے اہم فیصلہ سناتے ہوئے سبھی چھ ممالک کے 57 غیرملکی جماعتیوں پرغیرملکی قوانین کے تحت عائد تمام دفعات کو بے بنیاد تسلیم کرتے ہو ئے سبھی جماعتیوں کو بری کردیا اورہریانہ حکومت کو حکم دیا کہ جلد سے جلد سبھی جماعت والوں کو ان کے ملک بھیجنے کا انتظام کرے۔ یہ بات ...

مزدور پیدل نہ جائیں، سب کے لئے مفت ریل سفر کے انتظامات: منیش سسودیا

  دہلی کے نائب وزیر اعلی منیش سسودیا نے تارکین وطن مزدوروں سے پیدل سفر نہ کرنے کی اپیل کی ہے۔ انہوں نے کہا ہے کہ دہلی حکومت نے تمام مفت ریل سفروں کا انتظام کیا ہے۔ 7 مئی سے 25 مئی تک ، 2،41،169 افراد کو 196 ٹرینوں کے ذریعے ان کے گھر بھیج دیا گیا ہے۔ بہار میں سب سے زیادہ 1،25،711 افراد ہیں ...

ملک میں پہلی بار 5 ہزار مسلمانوں نے عید کی نماز آن لائن ادا کی

 کورونا وائرس کے سبب جب لوگوں کو مسجد میں جا کر نمازیں پرھنے اورعبادت کرنے پرروک لگی ہوئی ہے اور مسلمان اجتماعی عبادت کے بجائے انفرادی عبادت کرنے پر مجبور ہیں تو ایسی استثنائی صورتحال میں نئی اور جدید ٹیکنالوجی کے استعمال کی ضرورت پر زور دیتے ہوئے