کلبرگی کے آلند میں کووڈ۔19 سے ایک فوت، اب تک کورونا سے 20 ؍ ہلاک؛ کرناٹک میں کورونا وائرس کے 15 نئے کیس، متاثرین کی تعداد 518 ہوگئی
بنگلورو،28؍اپریل (ایس او نیوز) ریاست کرناٹک میں کورونا وائرس کا خوفناک پھیلاؤ روکنے اور تھمنے کا نام نہیں لے رہا ہے، ہر گزرتے دن ہر لمحے کے ساتھ کورونا وائرس کے نئے معاملات میں اضافہ ہی ہوتا جارہا ہے۔
آج ریاست میں کورونا وارئس کے مزید 9 کیس سامنے آئے، پیر کے روز ایک ہی دن 9 نئے معاملات نے ریاست بھر میں تشویش کی لہر دوڑادیہے، ریاستی محکمہ صحت کی جانب سے جاری اتوار شام 5 بجے سے پیر کی شام 5 بجے تک کی تازہ جانکاری ہیلتھ بلیٹن کے مطابق آج 9 نئے کورونا کیس سامنے آئے، اس کے ساتھ ہی ریاست میں کورونا سے متاثرہونے والوں کی تعداد بڑھ کر 512 ہوگئی ہے۔
آج جن اضلاع میں کورونا وائرس کے پازیٹیو معاملے سامنے آئے ان کی تفیصیل اس طرح ہے۔وجئے پورہ میں 2 افراد کورونا وائرس سے متاثر پائے گئے، دکشن کنڑا میں 2، باگل کوٹ میں 2، منڈیامیں 2 اور بنگلورو میں ایک فرد میں کورونا وائرس کی تصدیق ہوئی ہے، آج کورونا وائرس کے جملہ 9 معاملے سامنے آئے جس سے اب تک کی کورونا متاثرین کی تعداد بڑھ کر 512 ہوگئی ہے۔ ریاست میں کورونا وائرس سے علاج کے دوران اب تک مرنے والوں کی تعداد 20 ہے، جبکہ کورونا وائرس سے اب تک 193 افراد صحت یاب ہوئے ہیں جنہیں اسپتالوں سے ڈسچارج بھی کردیا گیا ہے۔
تازہ اطلاع کے مطابق کلبرگی میں کورونا کے مزید 6 ؍ پازیٹیو کیس پائے گئے ۔ جس سے کورونا متاثرین کی تعداد 518 ؍ ہوگئی۔
24 ؍ اپریل کو 50 سالہ شخص میں کورونا وائرس کی تصدیق ہوئی تھی آج اس نے بیماری کے خوف سے اسپتال کی کھڑکی سے چھلانگ لگا کر خودکشی کر لیا۔
دریں اثناء ریاستی وزیر طبی تعلیم ڈاکٹر سدھا کر آج شام 6:13 بجے ٹوئٹ کرتے ہوئے اطلاع دی ہے کہ ریاست میں کووڈ۔19 سے متاثرہ ایک اور شخص فوت ہوگیا، کورونا وائرس سے فوت ہونے والے شخص کی شناخت 57 سالہ آلند کے رہائشی کے طورپر کی گئی ہے، 21؍اپریل کو اس شخص میں کورونا وائرس پازیٹیو پا یا گیا ، سانس لینے میں دشواری کے سب جی آئی ایم ایس اپستال داخل کیا گیا تھا، اس ہلاکت کے ساتھ کلبرگی ضلع میں کوروناوائرس سے ہلاک ہونے والوں کی تعداد 5 ہوگئی جبکہ ریاست بھر میں کورونا وائرس سے مرنے والوں ک یکل تعداد 20 ہوگئی ہے۔