ملک میں کورونا سے 149 اموات،مریضوں کی تعداد5ہزار
نئی دہلی،9؍اپریل (ایس او نیوز؍ایجنسی) ملک میں چہارشنبہ کو کورونا وائرس سے متاثر افراد کی تعداد5,194 ہو گئی اور اس سے مرنے والوں کی تعداد 149تک پہنچ گئی- مرکزی وزارت داخلہ نے بتایا کہ کووڈ-19کے ایسے معاملے جن کا علاج چل رہا ہے ان کی تعداد4,463ہے،401لوگ علاج کے بعد ٹھیک ہو چکے ہیں اور انہیں چھٹی دے دی گئی ہے- ایک معاملے میں مریض دوسرے ملک میں چلا گیا- کل معاملے میں 70غیر ملکی شہری ہیں -صبح نو بجے تک آئے وزارت کے اعداد و شمار کے مطابق منگل تک 25لوگوں کی موت ہوئی-دنیا بھر میں کوروناوائرس سے81695/ افراد لقمہ اجل بن چکے ہیں اور420949/ افراد متاثر ہوئے ہیں۔ اب تک دنیا بھر میں تقریباً تین لاکھ افراد اس وائرس سے ٹھیک ہو چکے ہیں -
ہندوستان میں بھی کورونا وائرس کا انفیکشن تیزی سے پھیل رہا ہے اورچہارشنبہ کی صبح وزارت صحت کے جاری کردہ اعداد و شمار کے مطابق، ملک کی 31 ریاستوں اور مرکز کے زیرانتظام علاقوں میں اب تک 5194 افراد انفیکشن میں مبتلا ہوچکے ہیں، جبکہ 149 افراد کی موت ہوچکی ہے۔اب تک 402 افراد اس انفیکشن سے مکمل طور پر صحت یاب ہو چکے ہیں