بنگلورو، 9؍نومبر(ایس او نیوز)ملک اور ریاست میں ضروری اشیاء کی قیمتوں میں ہورہے مسلسل اضافہ کی وجہ سے بی جے پی اپنی مقبولیت میں غیر معمولی کمی آئی ہے،آئندہ دنوں ملک کے عوام پچھلے کئی دہوں سے عوام دوست انتظامیہ فراہم کرتی آرہی کانگریس پارٹی کا پھر سے اقتدار پر ضرور لائیں گے۔یہ بات سابق وزیر اعلیٰ ایم ویرپاموئیلی نے کہی۔

انہوں نے بلاری جاتے وقت شہر میں واقع رکن اسمبلی کے دفتر پہنچ کر تہنیت قبول کی اور اخباری نمائندوں سے خطاب کرتے ہوئے کہ عوام کی مشکلوں او ر مسائل کے بارے میں تھوڑی سی بھی جانکاری حکومت کو نہیں ہے۔صرف دولتمند طبقے اور کارپوریٹ کمپنیوں کو خوش کرنے میں وزیر اعظم نریندر مودی لگے ہوئے ہیں۔عوام بیدار ہوچکے ہیں آنے والے دنوں میں حکومت کو عوام ضرور سبق سکھائیں گے۔رکن اسمبلی ٹی رگھومورتی نے کہاکہ ملک اور ریاست میں مختلف قلمدانوں کے وزیر کے طورپر خدمات انجام دے چکے ویر پاموئیلی پچھلے کئی دہوں سے کانگریس پارٹی کو مضبوط بنانے کیلئے جدوجہد کرتے آرہے ہیں،اس سے قبل 2013میں اس حلقے سے رکن اسمبلی منتخب ہونے کا موقع فراہم کرنے والے اعلیٰ پارٹی قائدین میں سے ویر پا موئیلی بھی ایک ہیں۔

اس موقع پر بلاک کانگریس کمیٹی کے صدر تپے سوامی،ٹی پربھودیو،ڈی کے کاٹیا،بھرمنا،بوریا،فرید خان،انور،سید اور دیگرموجود تھے۔