میسورومیئر کا معاملہ کانگریس، جے ڈی ایس کے درمیان سمجھوتہ ہوگیا ہے: ڈی کےشیوکمار

Source: S.O. News Service | Published on 25th February 2021, 12:10 PM | ریاستی خبریں |

بنگلورو،25؍فروری (ایس او نیوز) کرناٹک پردیش کانگریس کمیٹی (کے پی سی سی) صدر ڈی کے شیوکمار نے آج کہا کہ میسورو کارپوریشن کے میئر کے انتخاب سے متعلق کانگریس اور جے ڈی ایس کے درمیان معاہدہ ہوچکا ہے۔ میئر کا عہدہ کانگریس کے پاس 2سال اور جے ڈی ایس کے پاس 3سال رہے گا، یہ فیصلہ ہوچکا ہے۔یہ شرط جے ڈی ایس کو منظور ہے تو ہم بھی اس معاہدہ کے پابند رہیں گے۔

نامہ نگاروں سے آج گفتگو کرتے ہوئے انہوں نے کہا کہ پچھلی بات چیت کے دوران اتحاد کس لئے ٹوٹا اس پر وہ یہاں تبصرہ کرنا نہیں چاہتے۔ پارٹی کے حق میں وہ جسے چاہے بات کرنے کے لئے تیار ہیں،میرے لئے پارٹی کا مفاد اہم ہے۔ ہوسکوٹے کے رکن اسمبلی شرت بچے گوڑا کانگریس میں شامل ہونے سے متعلق پوچھے گئے سوال پر انہوں نے کہا کہ ہماری پارٹی میں شرت بچے گوڑا کے لئے آئین کے مطابق کام کرنے کا بھی موقع ہے۔آزاد امیدوار کی حیثیت سے جیت کر کسی سیاسی پارٹی میں شامل ہونا مشکل نہیں۔ آزاد رکن اسمبلی کسی بھی پارٹی کی تائید بھی کرسکتا ہے۔کانگریس میں صرف شرت نہیں ان کے طرفدار بھی شامل ہونے کی گنجائش ہے۔چک بالاپور جیلاٹن دھماکہ سے متعلق شیوکمار نے کہا کہ ہماری پارٹی کے اسمبلی میں اپوزیشن لیڈر اور کونسل میں اپوزیشن لیڈر دونوں نے جائے حادثہ کا دورہ کیا تھا۔ انہوں نے بتایا کہ کانگریس لیڈروں کی پدیاترا سے متعلق 25فروری کو ایک اجلاس طلب کیا گیا ہے، اس اجلاس میں حکمت عملی اور پدیاترا کا پروگرام طے کیا جائے گا۔

ایک نظر اس پر بھی

گوکرن کے مہابلیشور مندر کے متعلق سپریم کورٹ کا اہم فیصلہ : مندرکی نگرانی کے لئے کمیٹی تشکیل دینے کا حکم

اترکنڑاضلع کے ہندؤوں کے مشہورو تاریخی مذہبی مقام گوکرن کی مہابلیشور مندر کے تعلق سے سپریم کورٹ نے حکم دیا ہے کہ  ریاستی حکومت  مندر کے انتظامی امور کو رام چندر پور مٹھ سے واپس لے۔ یاد رہے کہ  پچھلی بی جے پی کی حکومت نے گوکرن کے مہابلیشور مندر کی انتظامیہ اور نگرانی رام چندر ...

لاک ڈاؤن کی بجائے دفعہ 144 نافذ کی جائے : سی ایم ابراہیم| کورونا سے شہید ہونے والے مسلمانوں کی تدفین کیلئے علاحدہ جگہ دی جائے : ضمیر احمد خان 

کورونا سے شہید ہونے والے مسلم طبقے کے افراد کی تدفین کے لئے علاحدہ جگہ دی جائے ۔رکن اسمبلی ضمیر احمد خان نے  ودھان سودھا میں ہوئی بنگلورو کے اراکین اسمبلی،اراکین پارلیمان کی میٹنگ میں یہ مطالبہ کیا۔ انہوں نے کہا کہ ہر ایک رکن اسمبلی کے لئے 25 کووڈ بیڈ اسپتالوں میں ریزرو کئے ...

کرناٹک میں لاک ڈاؤن ضروری نہیں، نائٹ کرفیو کے اوقات میں تبدیلی نہیں، دفعہ 144 نافذ کریں؛ ریاستی حکومت کو اپوزیشن کے مشورے 

بنگلورو میں کووڈ۔ 19 معاملات تیزی سے بڑھنے کے سبب  وزیر اعلیٰ  یڈیورپا، بنگلورو کے وزراء، اراکین پارلیمان اور اراکین اسمبلی کے ساتھ ویڈیو کانفرنس منعقد کی گئی۔  جس میں حکومت کو مشورہ دیا گیا کہ لاک ڈاؤن نافذ نہ  کر یں ،اسپتالوں میں کووڈ بستروں کی قلت دور  کریں۔مہلوکین کی ...

کرناٹک میں کورونا کی دہشت کا ایک اور ریکارڈ ، تقریباً 20 ؍ ہزار متاثر ، بنگلورو میں لاک ڈاؤن یا سخت امتناعی احکامات ؟

اتوارکے روز کرناٹک میں کورونا نے اپنا خوفناک ترین رخ پیش کیا اور اب تک متاثرین کی تعداد کا ایک نیا ریکارڈ سامنے آیا ریاست بھر میں 7 6 0 9 1 تازه معاملات سامنے آئے ۔ 81 لوگوں کی موت واقع ہوئی ہے۔

بھٹکل: ریاست میں کورونا کے بڑھتے معاملات سےپریشان طلبہ نے پیر سے شروع ہونے والے امتحانات منسوخ کرنے ٹوئیٹر پر چلائی مہم

کورونا کی دوسری لہر میں  بڑھتے کیسس کے دوران ایک طرف  میٹرک اور سکینڈ پی یوسی کے امتحانات ملتوی اور منسوخ کئے جارہےہیں تو وہیں دوسری طرف ویشویشوریا ٹیکنالوجیکل یونیورسٹی (وی ٹی یو) کے تحت آنے والی کالجس میں کل  پیر سے فرسٹ سیمسٹر کے امتحانات شروع ہورہےہیں۔