یڈیورپا کا اعلیٰ عہدیداروں کے ساتھ جائزہ اجلاس؛ بعض سرکاری دفاتر کو اندرون ایک ماہ بیلگاوی کے سورونا ودھان سودھا منتقل کرنے وزیر اعلیٰ کی ہدایت
بنگلورو،4؍جون (ایس او نیوز؍پی ٹی آئی) وزیر اعلیٰ بی ایس یڈی یورپا نے حکام کو اندرون ماہ ریاست کے بعض سرکاری دفاتر کی نشاندہی اور ان کی بیلگاوی کے سورونا و دھان سودھا منتقلی کی ہدایت دی جس کا مقصد علاقائی توازن قائم کرنا ہے۔
انہوں نے یہ انتباہ دیا کہ اگلے اجلاس سے قبل وہ وہاں منتقل دفاتر کے کا م کاج کا شخصی طور پر جائزہ لیں گے۔ وزیر اعلیٰ دفتر نے اپنے بیان میں یہ بات کہی۔
یڈی یورپا نے پی ڈبلیو، بندرگاہوں اور اندرون ریاست آبی نقل و حمل کے محکموں کی کارگردی کا جائزہ لینے اجلاس منعقد کیا۔
بنگلورو میں موجود ریاستی سکریٹری یعنی ودھان سودھا کے طرز پر تعمیر سورونا و دھان سودھا میں سال میں ایک مرتبہ اسمبلی اجلاس منعقد ہوتا ہے۔ اس عمارت کی تعمیر یہ دعوے کے لیے کی گئی تھی کہ بیلگاوی کرناٹک کا اندرونی حصہ ہے۔ مہاراژترا دعویٰ کرنا ہے کہ بیلگاوی اس کا حصہ ہے۔ سال میں ایک مرتبہ دو ہفتوں کے لیے اسمبلی اجلاس کے انعقاد کے علاوہ یہ عمارت زیادہ تر غیر مستعمل رہتی ہے۔ علاقائی توازن قائم کرنے اور علاقہ کے شہریوں کے فائدے کے لیے بعض سرکاری دفاتر کو بیلگاوی کے ودھان سودھا منتقل کرنے شمالی کرناٹک کے عوام کا دیرینہ مطالبہ رہا ہے۔ یہاں کے شہریوں کو کاموں کے سلسلے میں بنگلورو جانا پڑتاہے۔
2018 میں اس وقت کی کانگریس جے ڈی ایس مخلوط حکومت نے مبینہ امتیاز کو دور کرنے بعض سرکاری محکموں، بورڈس اور کمیشنوں کو شمالی کرناٹک منتقل کرنے کی اصولی طور پر منظوری دی تھی۔
اجلاس میں وزیر اعلیٰ نے عہدیداروں کو گزشتہ سال سیلاب میں تباہ سڑکوں اور پُلوں کی مرمت کا کام بھی مکمل کرنے کی ہدایت دی ۔ عہدیداروں نے وزیر اعلیٰ کو 500 کروڑ روپئے کی لاگت سے مرمت اور بحالی کے کاموں اور 1800 میں سے 1700 کلو میٹر سڑک کے کام کی تکمیل سے واقف کروایا۔
انہوں نے کہا کہ پُلوں کی تعمیر اور مرمت کا کام جاری ہے۔ انجینئروں کے تقررات میں تاخیر پر وزیر اعلیٰ نے بے روزگار انجینئروں کو بطور زیر تربیت مقرر کرنے کی ہدایت دی ۔
انہوں نے سوگانے کے قریب شیموگہ ایئر پورٹ کا کام میعار سے سمجھوتہ کیے بغیر اندرون ایک سال مکمل کرنے کی ہدایت دی۔ انہوں نے کہا کہ ایئر پورٹ کی تمعیر کے لیے وجئے پورہ پر اراضی کی نشاندہی کی جاچکی ہے چنانچہ عہدیداروں کو جائزہ لینے کے بعد ضروری کارروائی کرنے کی ہدایت دی گئی۔ اجلاس کے دوران 1650 کلو میٹر دیہی سڑکوں کی ضلع کی اصل سڑکوں اور 10110 کلومیٹر ضلع کی اصل سڑکوں کو ریاستی شاہراہوں میں تجدید کرنے کافیصلہ کیا گیا۔
