بنگال ٹیچر بھرتی گھوٹالہ میں پارتھ چٹرجی سمیت 16 لوگ ملزم بنائے گئے، سی بی آئی نے کورٹ میں داخل کی پہلی چارج شیٹ

Source: S.O. News Service | Published on 30th September 2022, 9:54 PM | ملکی خبریں |

کولکاتہ،30؍ستمبر (ایس او نیوز؍ایجنسی) کروڑوں روپے کے مغربی بنگال اسکول سروس کمیشن (ڈبلیو بی ایس ایس سی) بھرتی گھوٹالے میں سی بی آئی نے جمعہ کو خصوصی عدالت میں اپنا پہلا فرد جرم داخل کیا۔ چارج شیٹ میں ریاست کے سابق وزیر تعلیم اور ٹی ایم سی کے جنرل سکریٹری پارتھ چٹرجی سمیت مجموعی طور پر 16 افراد کے نام ہیں۔ چٹرجی کا نام فہرست میں چھٹے مقام پر ہے۔

اس معاملے میں سی بی آئی کی پہلی چارج شیٹ انفورسمنٹ ڈائریکٹوریٹ (ای ڈی) کے ذریعہ چارج شیٹ پیش کیے جانے کے 11 دن بعد پیش کی گئی ہے۔ ای ڈی چارج شیٹ میں چٹرجی اور ان کی قریبی ارپتا مکھرجی سمیت چھ لوگوں کا نام شامل ہے۔ اس معاملے میں جانچ شروع کرنے کے 51 دنوں کے بعد سی بی آئی نے چارج شیٹ پیش کی۔

سی بی آئی کی چارج شیٹ میں دیگر اہم ناموں میں مغربی بنگال بورڈ آف سیکنڈری ایجوکیشن (ڈبلیو بی ایس ایس سی) کے سابق چیئرمین کلیانمے گنگوپادھیائے، ڈبلیو بی ایس ایس سی کے سابق سکریٹری اشوک ساہا اور ڈبلیو بی ایس ایس سی کی اسکریننگ کمیٹی کے سابق کنوینر ایس پی سنہا شامل ہیں۔ چٹرجی واحد ایسا نام ہیں جو دونوں چارج شیٹ میں شامل ہیں۔

ترنمول کانگریس کے ریاستی جنرل سکریٹری اور ترجمان کنال گھوش نے کہا کہ اگر کوئی گھوٹالوں کا قصوروار پایا جاتا ہے تو قانون اپنا کام کرے گا اور پارٹی اس معاملے پر آگے کوئی تبصرہ نہیں کرے گی۔ سی پی ایم کے راجیہ سبھا رکن بکاش بھٹاچاریہ نے کہا کہ مرکزی ایجنسیوں کو جانچ عمل میں تیزی لانی چاہیے اور گھوٹالے کے ملزمین کو جلد سزا ملنی چاہیے۔ بی جے پی کے ریاستی ترجمان سمک بھٹاچاریہ نے کہا کہ سی بی آئی صحیح سمت میں جا رہی ہے۔

حال ہی میں سی بی آئی نے کلکتہ ہائی کورٹ کے جسٹس ابھجیت گنگوپادھیائے کی بنچ میں اپنی پروگریس رپورٹ پیش کی تھی، جہاں یہ بتایا گیا تھا کہ اہل امیدواروں کو محروم کرنے والے نااہل امیدواروں کے لیے جگہ بنانے کے لیے ڈبلیو بی ایس ایس سی کے سرور پر نمبروں سے چھیڑ چھاڑ کیسے کی گئی۔ اپنی رپورٹ میں سی بی آئی کےا فسران نے یہ بھی بتایا کہ سرور پر 0 سے 5 کے پوائنٹ 50 سے 53 میں بدل دیے گئے۔ سی بی آئی نے معاون دستاویزوں کی شکل میں اصل آپٹیکل مارک ریکاگنیشن (او ایم آر) شیٹ کی اسکین کی گئی کاپیاں بھی جمع کیں۔

ایک نظر اس پر بھی

راہل گاندھی کی بھارت جوڑو یاترا اندور سے برولی پہنچی

 کانگریس کے سابق صدر راہل گاندھی کی بھارت جوڑو یاترا چھٹے دن آج صبح اندور سے مدھیہ پردیش کے برولی گاؤں کی طرف روانہ ہوئی۔ ان کے ساتھ کانگریس کے درجنوں سینئر رہنما اورافسران کے علاوہ ہزاروں کارکنان بھی موجود ہیں۔

مہاراشٹر میں ریلوے فٹ اوور برڈج کاحصہ گرپڑا 20افراد سے زیادہ زخمی،8کی حالت تشویشناک

) مہاراشٹر کے چندر پور میں بلارشاہ ریلوے اسٹیشن پر فٹ اوور برڈج کا ایک حصہ گرنے سے ایک بڑا حادثہ پیش آیا- کئی مسافر تقریباً 60فٹ کی بلندی سے پٹری پر پل سے گر گئے- حادثے میں 20مسافر زخمی ہو گئے-8 افراد کی حالت تشویشناک بتائی جاتی ہے-

گجرات کے نوجوان نوکریاں دینے کے جھانسے کو سمجھ چکے ہیں: ملکارجن کھرگے

کانگریس کے صدر ملکارجن کھڑگے نے اتوار کے روز بھارتیہ جنتا پارٹی (بی جے پی) پر نوجوانوں کو روزگار فراہم کرنے کے نام پر صرف جھانسہ دینے کا الزام لگاتے ہوئے کہا کہ گجرات کے نوجوان اس کی اصلیت کو سمجھ چکے ہیں اور اسمبلی انتخابات میں بی جے پی کو اس کا مناسب جواب ملے گا۔

راہل گاندھی نے 'بھارت جوڑو یاترا' میں چلائی بلیٹ موٹر سائیکل، پدیاترا میں انہیں دیکھنے کے لیے امڈا جم غفیر

مدھیہ پردیش میں کانگریس کی 'بھارت جوڑو یاترا' جاری ہے۔ پدیاترا میں کافی بھیڑ جمع ہو رہی ہے۔ روزانہ ہزاروں کی تعداد میں لوگ پد یاترا میں شامل ہو رہے ہیں۔ راہل گاندھی کو آج 'بھارت جوڑو یاترا' کے دوران بلٹ موٹر سائیکل چلاتے ہوئے دیکھا گیا۔ اس جی تصاویر اور ویڈیوز منظر عام پر آگئی ...

مدھیہ پردیش کی شیوراج سنگھ حکومت عوام کو دے رہی ’انتخابی دھوکہ‘:میناکشی نٹراجن

حال ہی میں صدر دروپدی مرمو نے مدھیہ پردیش میں دو دن کا قیام کیا۔ ریاستی حکومت کی طرف سے شہڈول ضلع کے لال پور میں برسا منڈا جینتی کے موقع پر منعقدہ ’آدیواسی گورو دیوس‘ میں مدھیہ پردیش 'پی ای ایس اے' اصول کے باضابطہ نفاذ کا اعلان کیا گیا۔