2024 کے لوک سبھا انتخابات سے قبل سی اے اے نافذ ہو جائے گا، بنگال بی جے پی صدر

Source: S.O. News Service | Published on 6th July 2022, 1:32 PM | ملکی خبریں |

کولکاتا،6؍جولائی(ایس او نیوز؍ایجنسی)  مغربی بنگال بی جے پی کے صدر سوکانت مجمدار نے منگل کے روز کہا کہ شہریت (ترمیمی) قانون یعنی سی اے اے کو 2024 کے لوک سبھا انتخابات سے قبل نافذ کر دیا جائے گا۔ انہوں نے کہا کہ بی جے پی کا اپنے وعدوں کو نبھانے کا ٹریک ریکارڈ رہا ہے۔

ادھر، بنگال کی برسراقتدار جماعت ٹی ایم سی، جو سی اے اے کی مخالفت کرتی رہی ہے، نے کہا کہ وہ ریاست میں اسے کبھی نافذ نہیں ہونے دے گی۔ ٹی ایم سی نے کہا کہ بی جے پی لیڈران کی طرف سے اس طرح کے بیانات کا مقصد مرکز کی معیشت کے بندوبست میں ناکامی سے توجہ ہٹانا ہے۔

سی اے اے کو نافذ کرنے کا وعدہ کرتے ہوئے سوکانت مجمدار نے کہا ’’بی جے پی کے پاس اپنے وعدوں کو نبھانے کا ٹریک ریکارڈ ہے۔ ہم نے رام مندر تعمیر کا وعدہ کیا تھا اور ہم نے اسے پورا کیا۔ سی اے اے ہمارا ہدف ہے اور ہم اسے حاصل کریں گ ے۔ اسے 2024 کے لوک سبھا انتخابات سے قبل نافذ کر دیا جائے گا۔

ریاست میں 2019 کے لوک سبھا اور 2021 کے اسمبلی انتخابات کے دوران متنازعہ قانون کو نافذ کرنے کا وعدہ بی جے پی کا اہم انتخابی موضوع رہا تھا۔ بھگوا پارٹی کے لیڈران اسے ریاست میں بی جے پی کی مضبوطی کی اہم وجہ قرار دیتے ہیں۔

مجمدار کا یہ تبصرہ بی جے پی کے رکن اسمبلی اسیم سرکار کے اس بیان کے کچھ دن بعد آیا ہے جس میں انہوں نے کہا تھا کہ سی اے اے کو لاگو کرنے میں تاخیر سے مہاجرین میں پارٹی کی حمایت کو نقصان پہنچے گا کیونکہ اس سے ان میں خدشات پیدا ہوئے ہیں۔

ایک نظر اس پر بھی

پی ایم مودی کی میٹنگ سے نتیش اور چندرشیکھر راؤ رہے غائب

وزیر اعظم نریندر مودی نے اتوار کے روز نیتی آیوگ کی ساتویں گورننگ کونسل کی میٹنگ کی صدارت کی۔ یہ میٹنگ اتوار کو دہلی میں راشٹرپتی بھون کے کلچرل سنٹر میں منعقد ہوئی۔ میٹنگ میں کئی ریاستوں کے وزرائے اعلیٰ نے شرکت کی، لیکن دو بڑے لیڈران یعنی بہار کے وزیر اعلیٰ نتیش کمار اور ...

پارتھا چٹرجی کے 50 بینک کھاتوں کا انکشاف

 انفورسمنٹ ڈائرکٹوریٹ (ای ڈی) نے جو کروڑہا روپئے مالیتی اساتذہ بھرتی اسکام کی تحقیقات کررہا ہے، اس نے پارتھا چٹرجی اور ان کی معاون ارپیتا مکرجی کے کم از کم 50 بینک کھاتوں کا پتہ چلایا ہے، جو وہ انفرادی طور پر یا مشترکہ طور پر چلاتے تھے۔

فضائیہ کے سربراہ نے بنگلورو میں دیسی طیارے کی پرواز بھری

 فضائیہ کے سربراہ (سی اے ایس) ایئر چیف مارشل وی آر چودھری، بنگلورو کے دو روزہ دورے پر تھے۔ انھوں نے تین مقامی پلیٹ فارمز، ہلکا لڑاکا طیارہ (ایل سی اے) تیجس، ہلکا لڑاکا ہیلی کاپٹر (ایل سی ایچ) اور ہندوستان ٹربو ٹرینر -40 (ایچ ٹی ٹی-40) کی پروازیں بھریں، جنھیں آتم نربھر کے تئیں اپنی ...