یوپی: بھاجپا لیڈر نابالغ بچوں کے ساتھ جنسی عمل کا مرتکب، گرفتار، کئی فحش ویڈیوز برآمد
جالون /لکھنؤ،13جنوری (آئی این ایس انڈیا) یوپی کے جالون ضلع میں بی جے پی شہر کے نائب صدر رام بہاری راٹھور کو ایک نابالغ بچوں کے ساتھ جنسی استحصال کے الزام میں گرفتار کیا گیا ہے۔
پولیس نے ملزم کے گھر سے ایک ہارڈ ڈسک بھی برآمد کی ہے، جس میں پولیس کو متعدد قابل اعتراض ویڈیوز ہاتھ لگے ہیں، جس میں مبینہ طورپر ملزم رام بہاری راٹھور نابالغ بچوں کے ساتھ فعل قبیح کو انجام دے رہا ہے۔پولیس نے طبی معائنہ کے بعد ملزم کو جیل بھیج دیا ہے۔اس کے علاوہ ملزم کو بی جے پی نے اپنی پارٹی سے بھی باہرکا راستہ دکھادیا ہے۔
یہ بھی غور طلب ہے کہ ملزم محکمہ ریونیو میں ’قانون دان‘ہے۔ یہ واقعہ جالون کے کونچ کوتوالی علاقے کے بھگت سنگھ نگر کا ہے۔ بھگت سنگھ نگر علاقہ کے دو نابالغ بچوں نے پولیس اسٹیشن میں شکایت درج کرائی تھی۔ان بچوں نے اپنے الزام میں کہاکہ بی جے پی کے نائب صدر شہر کے رام بہاری راٹھورسیاسی قد کا رعب دکھاکر انہیں گھر بلا کر ان کے ساتھ جبراً جنسی زیادتی انجام دیتے ہیں۔ اس شکایت پر فوری کارروائی کرتے ہوئے پولیس نے رام بہاری راٹھور کو گھر سے گرفتار کرلیا، نیز جب پولیس نے مکان کی تلاشی لی تو پولیس نے وہاں سے ایک ہارڈ ڈکس، لیپ ٹاپ اور ڈی وی آر بھی برآمد کیا،پولیس نے جب اس ہارڈ ڈکس کی تفتیش کی، تو اس ہارڈ ڈکس میں اُن نابالغ بچوں کے ساتھ جنسی عمل کے کئی ویڈیو ملے، جنھیں بی جے پی کے شہر نائب صدر رام بہاری راٹھور نے جنسی ہوس کا نشانہ بنایا تھا۔
پولیس نے ان اشیاء کو اپنے قبضہ میں لے لیا ہے۔ایڈیشنل سپرنٹنڈنٹ پولیس ڈاکٹر اودھیش کمار سنگھ کا کہنا ہے کہ کونچ کوتوالی میں دو الگ الگ معاملات رپورٹ ہوئے ہیں، جس میں مقدمہ درج کرلیا گیا ہے،اس سارے واقعہ کی تفتیش کی جارہی ہے۔ اس معاملہ میں مزید افراد کے ملوث کا امکان ہے۔بی جے پی شہر کے نائب صدر رام بہاری، جنہیں اب گرفتار کیاجاچکا ہے، خود کو بے گناہ قرار دیتے ہیں۔اُن کا کہناتھا کہ انہیں سازش کے تحت پھنسایا جارہا ہے۔ اُنہوں نے اِن لڑکوں کے خلاف چوری کا مقدمہ درج کروایا تھا، جس کی پاداش میں اس سنگین معاملہ میں گھسیٹا گیا ہے۔خیال رہے کہ ملزم ایک ریٹائرڈ قانون داں بھی ہے، اور کئی سالوں سے بی جے پی شہر کا نائب صدر بننے کے بعد سیاست میں بھی متحرک ہے۔ پولیس فی الحال اس معاملے کی تحقیقات کر رہی ہے اور مزید کارروائی کرے گی۔بی جے پی کے ضلع صدر کی اجازت کے بعد ملزم رام بہاری راٹھور کو بی جے پی پارٹی سے نکال باہر کردیا گیا ہے۔
