بھٹکل ، 30 / مئی (ایس او نیوز)  بھٹکل مسلم  جماعت  مسقط کے سابق صدر جناب محمد قمر مرچنٹ کی دُختر  عائشہ رومیلہ مرچنٹ نے بی ایس سی انٹیریر ڈیزائن میں شاندار کامیابی درج کرتے ہوئے منگلورو یونیورسٹی میں  تیسرا رینک حاصل کیا ہے۔
    
عائشہ رومیلہ  انڈین ڈیزائن اسکول منگلورو کی طالبہ ہے اور اس نے بی ایس ایس انٹیریر ڈیزائن کا فائنل امتحان گزشتہ سال جولائی / اگست میں دیا تھا ۔  اب جو نتائج ظاہر کیے گئے ہیں اس کے مطابق رومیلہ نے  92.43 فی صد مارکس حاصل کیے جس کے نتیجے میں وہ یونیورسٹی لیول پر تیسرے رینک کی حقدار بن گئی ہے ۔ 

ان کی اس شاندار کامیابی پرقائد قوم جناب ایس ایم سید خلیل الرحمن ،  بھٹکل مسلم خلیج کونسل کے صدرجناب  عمر فاروق مصباح اور سکریٹری جنرل  جناب عتیق الرحمن منیری نے طالبہ کے ساتھ اس کے والدین  کو بھی   مبارکباد پیش کیں ہیں۔