بنگلورو میں 5؍جولائی سے ہر اتوار مکمل لاک ڈاؤن، رات کا کرفیو اب 8بجے سے صبح 5بجے تک

Source: S.O. News Service | Published on 28th June 2020, 11:49 AM | ریاستی خبریں |

بنگلورو،28؍جون (ایس او نیوز) کرناٹک میں کورونا وائرس متاثرین کی تعداد میں اضافے سے دہشت زدہ ریاستی حکومت نے یہ اعلان کیا ہے کہ آئندہ اتوار (5؍جولائی) سے ریاست بھر میں ہر اتوارمکمل لاک ڈاؤن رہے گا اور سرکاری دفاتر ہفتے میں صرف 5دن کام کریں گے-

اس کے علاوہ فوری طور پر ریاستی حکومت نے رات کا کرفیو بحال کرنے کا فیصلہ کیا ہے- روزانہ شام 8بجے سے صبح 5بجے تک کوئی سرگرمی نہیں چلے گی - پیر سے یہ کرفیو نافذ کردیا جائے گا-10؍جولائی سے ایک مہینے کی مدت تک تمام سرکاری دفاتر ہفتے میں صرف 5دن کیلئے کام کریں گے- ہفتہ اور اتوار تمام دفاتر کو چھٹی رہے گی- رات کا کرفیو جب نافذ ہوگا اس وقت آٹو، بس، ٹیکسی وغیرہ دوڑانے کی اجازت نہیں ہوگی- اس رات کے کرفیو میں ہوٹلس، شاپنگ مالس اور دیگر دکانیں بند رہیں گی- صرف خدمات ضروریہ سے جڑی دکانیں کھلی رکھنے کی اجازت رہے گی- یہ اعلان وزیر اعلیٰ بی ایس ایڈی یورپا نے کیا-

انہوں نے کہا کہ کورونا وائرس متاثرین کے علاج کیلئے ڈاکٹروں کی قلت کو دور کرنے کے مقصد محکمہ محنت سے جڑے 180ڈاکٹروں کی خدمات لینے کا فیصلہ کیا گیا ہے- وزیراعلیٰ نے بتایا کہ اتوار کے لاک ڈاؤن اور روزانہ رات کے کرفیو کے دوران مال برداری پر کوئی پابندی نہیں رہے گی-وزیر اعلیٰ نے اعلان کیا کہ بنگلورو میں کورونا متاثرین کو اسپتال تک لانے لے جانے کیلئے ایمبولنس کی کمی کی شکایت کا ازالہ کرنے کے لئے 250نئے ایمبولنس مہیا کرائے جائیں گے-

بی بی ایم پی دفتر اور بنگلور سٹی پولیس کمشنر کے دفتر پر کام کا جو دباؤ ہے اس کو کم کرنے کیلئے کام کو تمام ڈویژنل دفاتر میں تقسیم کرنے کا فیصلہ لیا گیا ہے-شہر میں جو پرائیویٹ میڈیکل کالج موجود ہیں ان کے 50فیصد بستر کورونا متاثرین کے لئے مخصوص کرنے کیلئے ضروری قدم اٹھانے بی بی ایم پی کمشنر کو ہدایت دی گئی ہے- کورونا متاثرین سے اگر اسپتالوں کے بستر بھر جائیں تو علاج کیلئے ہوٹلوں کے کمرے استعمال کرنے کا منصوبہ تیار کرنے کی بھی وزیر اعلیٰ نے بی بی ایم پی کو ہدایت جاری کی-

ایک نظر اس پر بھی

مینگلور: کورونا کا پھر زبردست اچھال، 196کیس نکلے پوزیٹیو۔ اڈپی میں 41نئے معاملات؛ دونوں اضلاع میں 6 کی موت

آج بھی جنوبی کینرا میں کورونا نے اپنا قہر ڈھایا جس کے نتیجے میں ایک ہی دن میں 196معاملے پوزیٹیو نکلے ہیں۔جبکہ  ایک ہی دن میں 5افرادموت کا شکار ہوگئے جس کے ساتھ ضلع میں مرنے والوں کی تعداد46ہوگئی ہے۔

کورونا کے قہر سے قطع نظرفرقہ وارانہ ایجنڈہ پر بی جے پی متوجہ، ریاست میں ایک بار پھر انسداد گؤ کشی قانون لانے کی تیاری

ایسے مرحلے میں جبکہ ریاست کے عوام کورونا وائرس کے قہر سے بدحال ہیں، ریاست کی بی جے پی حکومت خاموشی سے اپنا فرقہ وارانہ ایجنڈہ نافذ کرنے کی تیاریوں میں لگی ہوئی ہے۔

نائب وزیر اعلیٰ اشوتھ نارائین نے شہر کے مغربی زون میں کورونا صورتحال کا جائزہ لیا

شہر بنگلورو میں کورونا متاثرین کے علاج کے لئے حکومت کی طرف سے جاری انتظامات کے ساتھ ریاستی حکومت نے ہفتہ کے روز ا س حقیقت کا بھی اعتراف کیا ہے کہ کورونا وائرس سے ہر کر مرنے والوں کی تعداد کورونا متاثرین کے مقابلہ کافی زیادہ ہے اور ان کے علاج کے لئے حکومت نے فوری انتظامات کرنے کا ...

ریوا سولار پلانٹ ایشیا کے سب سے بڑے پلانٹ ہونے کا دعویٰ جھوٹا: ڈی کے شیوکمار

وزیراعظم مودی نے بروز جمعہ مدھیہ پردیش کے ریوا ضلع میں 750میگاواٹ کی پیداوار کی گنجائش والے سولارپلانٹ کا افتتاح کرتے ہوئے قوم کے نام وقف کیا۔ وزیراعظم دفتر کی طرف سے اس پلانٹ کو ایشیا کا سب سے بڑا سولار پلانٹ بتایاگیاہے۔

کرناٹکا کے وزیر سی ٹی روی سمیت معروف فلم ایکٹر امیتابھ بچن کی رپورٹ بھی کورونا پوزیٹیو

کرناٹک میں کورونا کا پھیلاو اتنا زیادہ ہوگیا ہے کہ اس سے کوئی  محفوظ نظر نہیں آرہا ہے۔ آج  کرناٹکا ٹورسم منسٹر سی ٹی روی کی رپورٹ بھی کورونا پوزیٹیو آنے کی اطلاع ملی  ہے، وہ کرناٹک کے پہلے وزیر ہیں جن کی رپورٹ پوزیٹیو آئی ہے حالانکہ لوک سبھا ایم پی سومالتا امبریش، ایم ایل ...