بنگلورو،6؍نومبر(ایس او نیوز) ریجنل کمشنر ہرش گپتا نے بتایاکہ بروہت بنگلور مہانگر پالیکے (بی بی ایم پی) کی 12/اسٹانڈنگ کمیٹیوں کے لئے 4دسمبر کو انتخابات کروائے جائیں گے۔ ہائی کورٹ نے اسٹانڈنگ کمیٹیوں کے انتخابات پران کی میعاد مکمل نہ ہونے کے سبب روک لگائی تھی۔ اب بی بی ایم پی کی جانب سے ان 9،اسٹانڈنگ کمیٹیوں سمیت جن کے انتخابات پرعدالت نے روک لگائی تھی جملہ 12/ اسٹانڈنگ کمیٹیوں کے انتخابات کروانے کے لئے نوٹی فکیشن جاری کرنے کافیصلہ کیاہے۔ ہرش گپتا نے بتایاکہ میئر انتخابات کے دوران ہی بی بی ایم پی اسٹانڈنگ کمیٹیوں کے چیرمین اوراراکین کو بھی منتخب کیاجاناتھا۔ لیکن اس میں تاخیر ہوئی تھی۔ اس سلسلہ میں 9،اسٹانڈنگ کمیٹیوں کے صدور نے عدالت میں عرضی داخل کرتے ہوئے دسمبرتک ان کی میعاد باقی رہنے کی اطلاع دی تھی اور بتایاتھاکہ اگر ستمبر کے ماہ ہی میں انتخابات کروائے جائیں توان کے ساتھ ناانصافی پرروک لگائی تھی اورمعیاد ختم ہونے کے بعد انتخابات کروانے کاحکم دیاتھا۔ 9/اسٹانڈنگ کمیٹیوں سمیت جملہ 12/اسٹانڈنگ کمیٹیوں کے انتخابات کے لئے ریجنل کمشنر نے تیاری شروع کردی ہے۔ یادرہے کہ 12/اسٹانڈنگ کمیٹیوں میں سے ہرایک کمیٹی کے لئے 12/اراکین کونامزدگی کاغذات داخل کرنے تھے لیکن میئر انتخابات کے دوران صرف دو اراکین کے نامزدگی کاغذات داخل کرنے کی وجہ سے انتخابات نہیں کروائے گئے تھے۔ اب ریجنل کمشنرنے 4دسمبر کومذکورہ اسٹانڈنگ کمیٹیوں کے لئے انتخابات کروانے کافیصلہ کیاہے۔ میئر اور ڈپٹی میئر کی طرح مذکورہ کمیٹیوں کے صدور اوراراکین کی معیاد ہواکرتی ہے۔ لیکن کمیٹیوں کے صدور اوراراکین کے انتخابات تاخیر سے ہورہے ہیں۔اس لئے اب ان کی معیاد کار صرف 8ماہ ہی ہوگی اور ستمبر 2020میں یہ میعادمکمل ہوجائے گی۔ ریجنل کمشنرنے بتایاکہ 12/اسٹانڈنگ کمیٹیوں کے انتخابات کے لئے نامزدگی کاغذات داخل کرنے کے لئے ایک ہفتہ کا موقع دیاجائے گا۔ ایک صدر سمیت 11/اراکین نامزدگی کاغذات داخل کرسکتے ہیں۔ انہوں نے بتایاکہ 4دسمبر کو اسٹانڈنگ کمیٹیوں کے لئے انتخابات کروانے کے لئے تیاری شروع کردی گئی ہے۔ انہوں نے بتایاکہ ضمنی انتخابات کی وجہ سے ضابطہ اخلاق جاری رہنے کے باوجود اسٹانڈنگ کمیٹیوں کے انتخابات کے لئے کوئی رکاوٹ نہیں ہوگی۔