بنگلورو،14؍نومبر(ایس او  نیوز)محکمہ صحت کے کمشنر ڈی رندیپ نے ہدایت دی ہے کہ سنٹرل جیل میں طبی نظام مضبوط کرنے اور ایمرجینسی نفسیاتی صحت پر قابو پانے ٹیلی میڈیسن نظام جاری کیا جا ئے۔ حال ہی میں یہاں پرا پنا اگرا ہارا میں واقع سنٹرل جیل کا افسروں کی ٹیم کے ساتھ دورہ کر تے ہو ئے قیدیوں کی طبی حالت اور مرکزو ریاستی حکومتوں کی جانب سے فراہم طبی سہولتوں کاجائزہ لیتے ہو ئے رندیپ نے یہ ہدایت دی۔

انہوں نے کہا کہ قیدیوں کو قدوائی،نمہانس اسپتالوں میں مو جود جدید سہولتوں کے ساتھ قومی صحت ابھیان،نفسیاتی مرض کا تحفظ،انسداد تمباکو اسکیم کا نفاذ،آیوشمان بھارت،آروگیہ کرناٹک کارڈ کی خدمات فراہم کرنے کا فیصلہ کیا گیا ہے۔ عام افراد کو حاصل تمام طبی سہولتیں سنٹرل جیل کے قیدیوں کو بھی فراہم کی جائیں اور قیدیوں کو دوائی فراہم کرنے ادویہ کا ذخیرہ بڑھا جا ئے۔

انہوں نے کہا کہ قیدیوں کو علاج کے لئے باہر جانے کے دوران حفاظتی انتظامات کا جائزہ لیا جائے۔ سنٹرل جیل میں 5ہزار قیدی ہیں اور یہاں طبی نظام میں کو ئی مسئلہ نہیں ہے،جبکہ بیکری،کمروں،شعبہ سنگیت کا دورہ کر کے جائزہ لیا گیا۔ ان شعبوں میں طبی نظام میں سدھار کے لئے جیل کے شعبہ صحت کے افسران کو ہدایت دی گئی ہے۔ آیو شمان بھارت۔آروگیہ کرناٹک کارڈ کے لئے رجسٹریشن جاری ہے عوام قریبی ہیلتھ مرکز،سمودایہ بھون،تعلقہ و ضلع اسپتال کا دورہ کر کے درکار دستاویزات پیش کر کے طبی کارڈ حاصل کریں۔ اس موقع پرمحکمہ صحت وخاندانی بہبود کی ڈپٹی ڈائرکٹر ڈاکٹر رجنی ودیگر حاضر رہے۔