بابری مسجد ملکیت معاملہ ؛ آج ہوگا فیصلہ؛ کرناٹک میں ہائی الرٹ، تمام تعلیمی ادارے بند

Source: S.O. News Service | Published on 9th November 2019, 10:31 AM | ریاستی خبریں |

بنگلورو،9؍نومبر(ایس او  نیوز) سپریم کورٹ کی طرف سے ہفتہ 9نومبرکی صبح بابری مسجد۔ رام جنم بھومی کے صدیوں پرانے تنازعے پر قطعی فیصلہ سنانے کے اعلان کے ساتھ ہی ملک بھر میں ہائی الرٹ کا اعلان کردیا گیا۔ شہر بنگلورو میں بھی اس فیصلے کے پیش نظرحالات کی نگرانی کے لئے غیر معمولی حفاظتی انتظامات کئے گئے ہیں۔ حالات کی نزاکت کو دیکھتے ہوئے ریاستی حکومت نے احتیاطی طورپر ریاست کے تمام تعلیمی اداروں کو چھٹی دینے کا اعلان کیا ہے -وزیر برائے تعلیم سریش کمار نے بتایا کہ عدالت کے فیصلے کے پیش نظر حالات میں کسی طرح کے بگاڑ کے خدشات کو دیکھتے ہوئے ریاستی حکومت نے احتیاطاً ایک دن ریاست بھر میں تعلیمی ادارے بند رکھنے کا فیصلہ لیا ہے -شہر کے پولیس کمشنر بھاسکر راؤ نے ’سالار‘ کو بتایا کہ شہر میں عدالت کے اس فیصلے کے سبب حالت میں کسی طرح کا بگاڑ نہ آئے اس کے لئے تمام احتیاطی قدم اٹھالئے گئے ہیں۔ انہوں نے بتایا کہ شہر میں حفاظتی انتظامات کے لئے 8 ہزار سے زائد سیول پولیس جوانوں کے ساتھ ساتھ کے ایس آر پی،سی اے آر فورس کے جوان متعین رہیں گے اور ان کی مدد کے لئے مرکزی نیم فوجی دستوں پر مشتمل سریع الحرکت فورس(آر اے ایف) جوانوں کی 50کمپنیاں، سی آر پی ایس کے 50پلاٹوں اور دیگر جوان جابجا متعین رہیں گے۔ پولیس کی طرف سے جن حساس مقامات کی نشاندہی کی گئی ہے وہاں پر خصوصی طور پر حفاظت کے لئے قدم اٹھائے گئے ہیں۔ انہوں نے کہا کہ شہر بھر میں امن و امان برقرار رکھنے کے لئے انہوں نے مسلم اور ہندو رہنماؤں کے ساتھ میٹنگ کی اور ان تمام سے گزارش کی ہے کہ امن وامان برقرار رکھیں۔ عدالت کے فیصلہ سے جس طرح کی صورتحال پیدا ہوگی اس سے نپٹنے کے لئے پولیس فورس پوری طرح مستعد ہے۔ بھاسکر راؤ نے عوام سے اپیل کی کہ وہ افواہوں پر کان نہ دھریں۔ انہوں نے کہا کہ عدالت کے فیصلے کے متعلق کسی بھی طرح کی بات سوشیل میڈیا پر شیئر کرنے پر سختی سے پابندی لگائی گئی ہے-

اس پابندی کو پامال کرنے والوں کی نشاندہی کر کے ان پر قانونی کارروائی کی جائے گی۔ ا س کے علاوہ سوشیل میڈیا کے ذریعے فیصلے کے متعلق کسی بھی طرح کا تبصرہ کرنے یا عوام میں افرا تفری پھیلانے والوں پر بھی پولیس نظر رکھے گی۔ انہوں نے کہا کہ سوشیل میڈیا کے ذریعے عوام اس فیصلے کے متعلق کوئی بھی قابل اعتراض اپ ڈیٹ شیئر کرنے یا اسے فارورڈ کرنے سے گریز کریں۔عوام کی طرف سے اگر امن وامان برقرار رکھنے میں تعاون ملے گا تو شہر کی پولیس کی طرف سے صورتحال کی پوری مستعدی سے نگرانی کے ساتھ ساتھ امن کی فضاء کو برقرار رکھا جا سکے گا-

 

ایک نظر اس پر بھی

ساحلی کرناٹکا میں رُکنے کا نام نہیں لے رہے ہیں کورونا معاملات؛ مینگلور میں دو دنوں میں 28 اور اُڈپی میں 23 معاملات؛ آج اُترکنڑا میں بھی پانچ پوزیٹو

مہاراشٹرا سے واپس آنے والوں میں  جس طرح کرناٹک کے دیگر اضلاع میں کورونا کے معاملات میں  تشویشناک حدتک اضافہ دیکھنے میں آرہاہے، اُسی طرح  ساحلی کرناٹکا کے اضلاع  اُترکنڑا، اُڈپی اور دکشن  کنڑا میں بھی کورونا کے معاملات میں روز بروز اضافہ دیکھا جارہا ہے۔

ریاستی بی جے پی حکومت میں میں بغاوت کے آثار، سرگرمیاں تیز ؛ جگدیش شٹر یا پرہلاجوشی کو وزیر اعلیٰ بنانے دو مختلف دھڑوں کی لابی

بھارتیہ جنتاپارٹی (بی جے پی ) میں دل بدلی کر کے آنے والوں سے پارٹی کے بنیادی ورکرس اور قائدین کے ساتھ ناانصافی ہورہی ہے، جس کی وجہ سے حکومت پھر ایک مرتبہ ڈانواں ڈول نظر آرہی ہے ۔ یہ بات کے پی سی سی کے کارگزار صدر شیش جارکی ہولی نے کہی۔

مرکزی اور ریاستی بی جے پی حکومتیں کورونا وائرس سے نپٹنے میں ناکام ؛ رام مندر سپریم کورٹ کے فیصلہ سے بن رہا ہے ، مودی اپنے سر سہرانہ بنادھیں : کانگریس

کرناٹک میں کانگریس نے کہا ہے کہ اس ملک کو ترقی کی راہ پر لانے کے لئے پچھلے 50 سال کے دوران جو محنت ہوئی تھی مودی نے اپنے 6 سالہ دور اقتدار میں اس ساری محنت پر پانی پھیر دیا ہے اور ملک کو انہوں نے اسی مقام پر پہنچا دیا ہے جب ملک کی حیثیت صفر تھی ۔کے پی سی سی صدر ڈی کے شیو کمار اور ...

کرناٹک میں کورونا وائرس کے 141 نئے کیس ، ایک اور موت ، بنگلورو میں سب سے زیادہ 33 معاملہ، ایک ہی خاندان سے 20 افراد متاثرین میں شامل 

کرناٹک میں کورونا وائرس سے متاثر ہونے والی ایک اور خاتون کی موت کے ساتھ ریاست میں اب تک اس وائرس سے مرنے والوں کی تعداد 49 تک پہنچ چکی ہے۔ جبکہ 141 نئے متاثرین کی نشاندہی کے ساتھ کرناٹک میں جملہ متاثرین کی تعداد 2922 تک پہنچ گئی ہے۔

25؍جون سے ایس ایس یل سی امتحانات؛ کولار میں وزیر تعلیم سریش کمار نے تیاریوں کا اجلاس طلب کیا

25؍جون سے ایس ایس ایل سی امتحانات منعقدہوں گے اورپوری حفاظت اوراحتیاط کے ساتھ امتحان کی کارروائی مکمل کی جائے گی، یہ بات ریاستی وزیربرائے بنیادی وثانوی تعلیم ایس سریش کمار نے کہی، انہوں نے آج یہاں ضلع پنچایت میٹنگ ہال میں کولار چکبالاپور اضلاع کے افسروں کااجلاس طلب کرکے ایس ...