نئی دہلی 8 جنوری (ایس او نیوز/ایجنسی) الیکشن کمشنر نے اُترپردیش، پنجاب، گوا اور اُترکھنڈ میں اسمبلی انتخابات کا اعلان کیا ہے جس کا آغاز اُترپردیش سے 10 فروری کو ہوگا، جبکہ ووٹوں کی گنتی 10 مارچ کی جائے گی۔

میڈیا رپورٹوں کے مطابق پنجاب، اتراکھنڈ اور گوا میں 14 فروری کو ایک ہی مرحلے میں ووٹنگ کرائی جائی گی، منی پور میں 27 فروری اور 3 مارچ کو دو مرحلوں میں انتخابات ہوں گے، اسی طرح اُترپردیش میں پولنگ سات مرحلوں میں ہوگی۔ یعنی 10 فروری، 14 فروری، 22 فروری، 23 فروری، 27 فروری، 3 مارچ اور 7 مارچ کویہاں ووٹنگ کرائی جائے گی۔

تمام پانچ ریاستوں میں ووٹنگ کا عمل اختتام کو پہنچنے کے بعد 10 مارچ کو ووٹوں کی گنتی ہوگی اور ایک ہی دن پانچوں ریاستوں کے نتائج سامنے آئیں گے۔

الیکشن کمیشن نے کورونا وباء کے چلتے اس بات کی تاکید کی ہے کہ انتخابی مہم کے دوران ریلیاں صرف کورونا گائیڈ لائنز پر عمل کرتے ہوئے ہی نکالی جا سکتی ہیں اور سیاسی جماعتوں کے لئے ضروری ہوگا کہ وہ  ان ریلیوں میں شریک افراد کے لیے ماسک اور سینیٹائزر کا بندوبست کریں گی۔ رپورٹ کے مطابق اس بار ووٹنگ کے لیے 1 گھنٹے کا اضافی وقت بڑھا دیا گیا ہے -