بنگلورو،3؍جولائی (ایس او نیوز) اگر ہمت ہے تو ریاست کا اگلا وزیراعلیٰ کون ہوگااس کا اعلان کیا جائے۔ قومی پارٹیوں کانگریس اور بی جے پی کو جے ڈی ایس کے ریاستی صدر سی ایم ابراہیم نے چیلنج دیا ہے۔
جے ڈی ایس کے ریاستی دفتر جے پی بھون میں نامہ نگاروں سے بات کرتے ہوئے کہا کہ میں سمجھ رہا تھا کہ راجنا معافی مانگیں گے لیکن اب وہ امید کے برخلاف باتیں کررہے ہیں۔انہوں نے کہا کہ سدارامیا کا جوش وخروش اب پرانا ہوچکا ہے۔ایسی باتیں ہورہی ہیں۔یہ بھی کہا جارہا ہے کہ جنتادل میں اب دم خم نہیں، اگر ایسا ہے تو جے ڈی ایس سے خوف کیوں ہے؟ انہو ں نے سوال کیا کہ ڈی کے شیوکمار اور سریش نے راجنا سے متعلق کیا کہا؟ انہو ں نے کئی جلسوں میں سدارامیا کو پرانا ماڈل بھی کہا ہے۔ ہم نے کچھ کہا تو بی ٹیم اور آپ کچھ کریں یا کہیں تو بی ٹیم نہیں۔ہم ہی دیوے گوڈا کی جائیداد نہیں بلکہ پورا ملک دیوے گوڈا کی جائیداد ہے۔یہ بات کانگریس کے وینوگوپال بھی اچھی طرح جانتے ہیں اس بات کو، ہمیں کہنے کی ضرورت نہیں۔ لیکن سدارامیا کو ڈپیوٹ وزیراعلیٰ کس نے بنایاتھا؟ مجھے جے ڈی ایس کا ریاستی صدر کس نے بنایا؟انہوں نے کہاکہ راجنا کو انے ریمارکس کے لئے معافی مانگنی چاہئے۔آنے والے دنوں میں ریاست میں کچھ بھی حادثہ ہوسکتا ہے۔اس کا الزام ہم پر نہ لگایا جائے۔راجنا کو یہ سی ایم ابراہیم کا انتباہ ہے۔
انہوں نے کانگریس اور بی جے پی سے سوال کیا کہ جے ڈی ایس سے آپ کوخوف کیوں ہے؟ دیوے گوڈا سے معافی مانگنے راجنا سے ہم نے نہیں کہا تھا بلکہ ڈی کے شیوکمار اوران کے بھائی سریش نے کہا تھا۔انہوں نے کہا کہ دراصل بی جے پی کی بی ٹیم جے ڈی ایس نہیں بلکہ کانگریس بی ٹیم بن کر کام کررہی ہے۔ابراہیم نے مزید کہا کہ جے ڈی ایس دیوے گوڈا کی ذاتی ملکیت نہیں۔ دیوے گوڈا اس ملک کے سابق وزیراعظم ہیں اس لئے ہر ایک ان کا احترام کرتا ہے۔راجنا شاید یہ بھول گئے ہیں۔ریاست میں اسمبلی انتخابات قریب ہیں۔پھر کانگریس نے اب تک وزیراعلیٰ کے امیدوار کا اعلان کیو ں نہیں کیا؟اسی طرح بی جے پی بھی یہ اعلان کرے کہ اگلا وزیراعلیٰ کون ہوگا؟ ہم شان سے کہہ رہے ہیں کہ ہمارا وزیراعلیٰ کاامیدوار ایچ ڈی کمارسوامی ہیں۔اگر تم میں ہمت ہے تو اپنی اپنی پارٹی سے وزیراعلیٰ کے امیدوار کا اعلان کیا جائے۔کانگریس اور بی جے پی کو سی ایم ابراہیم کا یہ چیلنج ہے۔