بنگلوروکے پادرائن پورہ میں پر تشدد احتجاج کا معاملہ میں سبھی 126ملزمین کو ملی ضمانت

Source: S.O. News Service | Published on 30th May 2020, 9:19 PM | ریاستی خبریں |

بنگلورو،30؍مئی(ایس او نیوز) کرناٹک میں کئی دنوں تک سرخیوں میں رہے پادرائن پورہ کے معاملہ میں اب تمام ملزمین کو ضمانت مل گئی ہے۔ کرناٹک ہائی کورٹ نے تمام 126  ملزمین کو مشروط ضمانت دی ہے۔ جسٹس جان مائیکل کی بینچ نے جرح مکمل کرنے کے بعد چند شرائط کے ساتھ ضمانت کی عرضداشت کو منظوری دی ۔ اس معاملہ میں ایک لاکھ روپے بانڈ کی بنیاد پر ہر ملزمین کو ضمانت حاصل ہوئی ہے ۔ عدالت نے یہ بھی کہا کہ رہائی سے قبل تمام ملزمین کا کورونا ٹسٹ کروایا جائے ۔ پازیٹیو آنے کی صورت میں ملزمین حکومت کی ہدایت پر عمل کریں ۔ رہائی کے بعد تمام ملزمین کووڈ 19 کیلئے جاری ہدایات پر عمل پیرا رہیں ۔ اگر کوئی خلاف ورزی ہوئی تو ضمانت رد کردی جائے گی۔ ایڈوکیٹ اسمعیل ذبیح اللہ نے اس معاملہ میں ملزمین کی پیروی کی ۔

واضح رہے کہ ایک ماہ قبل بنگلورو کے چامراج پیٹ اسمبلی حلقہ کے پادرائن پورہ وارڈ میں چند مقامی نوجوانوں نے زبردست ہنگامہ آرائی کی تھی ۔ کووڈ 19 سے ایک شخص کی موت کے بعد علاقہ کو سیل کردیا گیا تھا ۔ آشا کارکنوں ، نرسوں اور پولیس کی ٹیم چند افراد کو کوارنٹائن سینٹر لے جانے کیلئے پادرائن پورہ آئی ہوئی تھی ۔ اس وقت چند نوجوان نے سرکاری کارندوں سے بحث اور تکرار کی ۔ یہاں تک کہ جلوس کی شکل میں باہر نکل کر سیل کئے گئے شیٹوں کے ساتھ توڑ پھوڑ کی ، علاقہ میں شور و شرابہ کیا ۔

نوجوانوں کی اس حرکت کا ویڈیو وائرل ہوگیا تھا اور ریاستی سطح پر ایک بڑا ایشو بن گیا تھا ۔ اس واقعہ کے بعد بنگلورو مہانگر پالیکے نے یہاں بڑے پیمانے پر کورونا کے ٹسٹ کروائے ، کئی افراد کی رپورٹیں پازیٹیو بھی آئیں ۔ اس معاملہ کی آڑ میں سیاست بھی دیکھنے کو ملی ۔ بی جے پی کے لیڈروں نے مقامی ایم ایل اے ضمیر احمد خان اور مقامی کارپوریٹر عمران پاشاہ کو زبردست تنقید کا نشانہ بنایا ۔

دوسری جانب مسلم تنظیموں اور انسانی حقوق کے کارکنوں نے بڑے پیمانے پر کی گئی گرفتاریوں پر سوالات کھڑے کئے تھے ۔ سابق مرکزی وزیر کے رحمن خان اور دیگر نے گہری تشویش ظاہر کی تھی اور ملت کے نوجوانوں کو یہ پیغام دیا تھا کہ وہ قانون کی ہرگز خلاف ورزی نہ کریں ۔ اپنی حرکت سے ملت کو رسوا نہ کریں ۔

ایک نظر اس پر بھی

کرناٹک میں عالمی وباء سے ایک ہی دن 54 ؍افراد لقمہ اجل، 24 گھنٹوں کے دوران بنگلورو میں 1148 سمیت ریاست بھر میں 2062 پوزیٹیو کیس

عالمی وباء کو رونا وائرس کا قہر ہنوز جاری ہے ریاست میں ایک ہی دن کورونا وائرس کے 2062 کیس درج ہوئے ہیں۔ اب تک کی یہ ریکارڈ تعداد ہے۔ گزشتہ 24 گھنٹوں کے دوران کووڈ۔19 کی زد میں آکر بنگلورو میں 13 سمیت ریاست بھر 54 ؍افراد لقمہ اجل بن گئے ہیں۔

اُلال کے رکن اسمبلی یوٹی قادر سے ایس ڈی پی آئی کا مطالبہ

جنوبی کینرا بنٹوال تعلقہ کے سجی پانڈو دیہات میں ہر سال بارش کے موسم میں گزشتہ 30 برسوں سے لوگوں کو ہمیشہ  پریشانی کا سامنا کرنا پڑتا ہے۔ یہ علاقہ اُلال کے رکن اسمبلی یوٹی قادر کے حلقہ میں آتا ہے اور یہاں مسلمانوں کی کثیر آباد ی ہے۔

منگلورو۔کاسرگوڈ سرحد پر مسافروں کیلئے پریشانی

ریاست میں گزشتہ ماہ اپریل سے ہی کورونا وائرس پھیلنے کے نتیجہ میں کیرالہ ۔ کرناٹک کی سرحد پر واقع کاسرگوڈ اور منگلورو کے درمیان روازنہ ملازمت اور تعلیم کے سلسلہ میں آنے جانے والے لوگوں کیلئے ہر دن نت نئی پریشانیوں کا سامنا کرناپڑرہا ہے۔

کرناٹک میں کووڈ۔19 کمیونٹی پھیلاؤ کا کوئی امکان نہیں، مرکزی ٹیم کا چیف منسٹر و عہدیداروں کے ساتھ تبادلہ خیال؛ سری راملو کی پریس کانفرنس

کرناٹک نے منگل کے روز مرکز ی ٹیم کو بتایا کہ ریاست میں کووڈ۔19 کے کمیونٹی پھیلاؤ کا کوئی امکان نہیں ہے۔ریاستی وزیر صحت و خاندانی بہبود بی سری راملو نے میڈیا سے کہا ’’ ہم نے یہ واضح کردیا ہے کہ یہاں کمیونٹی پھیلاؤ کا امکان نہیں ہے۔ ہم ، دوسرے اور تیسرے مرحلہ کے درمیان ہیں‘‘۔

کرناٹک میں کورونا کا قہر جاری؛ پھر 1498 نئے معاملات، صرف بنگلور سے ہی سامنے آئے 800 پوزیٹیو

کرناٹک میں کورونا کا قہر جاری ہے اور ریاست  میں روز بروز کورونا کے معاملات میں اضافہ دیکھا جارہا ہے، ریاست کی راجدھانی اس وقت  کورونا کا ہاٹ اسپاٹ بنا ہوا ہے جہاں ہر روز  سب سے زیادہ معاملات درج کئے جارہے ہیں۔ آج منگل کو پھر ایک بار کورونا کے سب سے زیادہ معاملات بنگلور سے ہی ...

کورونا: ہندوستان میں ’کمیونٹی اسپریڈ‘ کا خطرہ، اموات کی تعداد 20 ہزار سے زائد

  ہندوستان میں کورونا انفیکشن کے بڑھتے معاملوں کے درمیان کمیونٹی اسپریڈ یعنی طبقاتی پھیلاؤ کا  اندیشہ بڑھتا نظر آرہا ہے۔ بالخصوص کرناٹک  میں کورونا انفیکشن کے کمیونٹی اسپریڈ کا اندیشہ ظاہر کیا جارہا ہے ۔ کرناٹک کے علاوہ گوا، پنجاب و مغربی بنگال کے نئے ہاٹ اسپاٹ بننے کے ...