95فیصداساتذہ نے کووڈویکسین لی ہے: وزیر تعلیم بی سی ناگیش
بنگلورو،23؍اگست(ایس او نیوز)ریاست کے جن اضلاع میں کوروناوائرس کی پازٹی ویٹی شرح 2فیصد سے زیادہ ہے وہاں اسکول شروع نہیں کئے جائیں گے۔ریاست میں 2فیصد سے زیادہ پازٹی ویٹی شرح رکھنے والے پانچ اضلاع ہیں وہاں اسکول شروع نہیں ہوں گے۔یہ اطلاع ریاستی وزیربرائے بنیادی وثانوی تعلیم بی سی ناگیش نے دی ہے۔23 اگست سے 9ویں تا12ویں جماعت کے کلاسس شروع کئے جارہے ہیں۔
اخباری نمائندوں سے بات چیت کے دوران انہوں نے کہاکہ دکشن کنڑا،اڈوپی، چکمگلور، ہاسن اورکوڈاگو اضلاع میں اسکول شروع نہیں ہوں گے۔ماہرین نے انتباہ دیتے ہوئے کہاکہ کووڈکی تیسری لہرآئے گی۔یہ انتباہ صحیح ہے لیکن ممکنہ تیسری لہرصرف مہاراشٹراورکیرلاکے علاوہ کہیں اوردکھائی نہیں دی۔ماہرین اطفال کے کہنے کے مطابق کوروناوائرس کی تیسری لہربچوں پرزیادہ اثرانداز ہوگی، لیکن یہ اثرات جان لیوانہیں ہوں گے۔ریاستی ٹیکنیکل صلاح کمیٹی نے پہلی جماعت سے اسکولوں کوکھولنے کامشورہ دیاتھا،فی الحال آٹھویں جماعت سے اسکول شروع کرنے کافیصلہ کیاگیاہے۔اسکول آنے والے اساتذہ کولازمی طورپرکووڈویکسین لیناہوگا، جواساتذہ ویکسین نہیں لئے ہیں ان کواسکول میں حاضری کی اجازت نہیں ہے۔ جواساتذہ ویکسین نہیں ہیں ان کی غیرحاضری کوچھٹیوں میں شمارنہیں کیا جائے گا۔ رجسٹرمیں غیر حاضرنشان کیا جائے گا۔ انہوں نے مزید کہاکہ ریاست بھرمیں اب تک 95فیصد اساتذہ نے کووڈ ویکسین لے لیاہے۔گزشتہ دودنوں کے دوران اساتذہ کی ایک بڑی تعدادویکسین لیاہے۔اس موقع پرانہوں نے کہاکہ اسکول کھل رہے ہیں لیکن اس میں طلبہ کی جسمانی حاضری کولازمی نہیں کیاگیاہے۔ آن لائن میں بھی وہ اپنی تعلیم جاری رکھ سکتے ہیں۔