ಬಟ್ಟೆ ತೊಳೆಯಲು ತಾಯಿ ಜೊತೆ ಹೋಗಿದ್ದ ಮಗು ಹೊಳೆಯಲ್ಲಿ ಕಾಣೆ.
ಹೊನ್ನಾವರ: ತನ್ನ ತಾಯಿಯ ಜೊತೆ ಬಟ್ಟೆ ತೊಳೆಯಲು ಹೋಗಿದ್ದ ಒಂದೂವರೆ ವರ್ಷದ ಮಗುವೊಂದು ಹೊಳೆಗೆ ಬಿದ್ದು ನಾಪತ್ತೆಯಾದ ಘಟನೆ ಹೊನ್ನಾವರ ತಾಲ್ಲೂಕಿನ ಹುಡಗೋಡುದಲ್ಲಿ ನಡೆದಿದೆ.
ಕಾರ್ತಿಕ ರಮೇಶ ನಾಯ್ಕ (ಒಂದೂವರೆ ವರ್ಷ) ನಾಪತ್ತೆಯಾದ ಮಗುವಾಗಿದೆ.
ಭಾನುವಾರ ಮಗು ತನ್ನ ತಾಯಿ ಸಂಗಡ ಬಟ್ಟೆ ತೊಳೆಯಲು ಹೋಗಿತ್ತು. ತಾಯಿ ಬಟ್ಟೆ ತೊಳೆಯುತ್ತಿರುವಾಗ ಪಕ್ಕದಲ್ಲಿಯೇ ಇದ್ದ ಮಗು ಆಕಸ್ಮಿಕವಾಗಿ ನೀರಲ್ಲಿ ಬಿದ್ದು ನಾಪತ್ತೆಯಾಗಿದೆ.
ಕಣ್ಣೆದುರೆ ಬಿದ್ದ ಮಗುವನ್ನ ರಕ್ಷಿಸಲು ತಾಯಿ ಕೂಗಿಕೊಂಡರೂ ಪ್ರಯೋಜನವಾಗಿಲ್ಲ.
ಸ್ಥಳೀಯರು, ಹೊನ್ನಾವರ ಠಾಣೆಯ ಪೊಲೀಸರು ಹಾಗೂ ಅಗ್ನಿಶಾಮಕ ದಳದ ಸಿಬ್ಬಂದಿಗಳು ದೋಣಿಯ ಮೂಲಕ ಹುಡುಕಾಟ ನಡೆಸಿದ್ದಾರೆ.
