ಗೋಕರ್ಣ ದೇವಾಲಯದಲ್ಲಿ ವಸ್ತ್ರಸಂಹಿತೆ ಜಾರಿ.
ಗೋಕರ್ಣ: ಪುರಾಣ ಪ್ರಸಿದ್ದ ಮಹಾಬಲೇಶ್ವರ ದೇವಾಲಯದಲ್ಲಿ ವಸ್ತ್ರ ಸಂಹಿತೆ ಜಾರಿ ಮಾಡಲಾಗಿದೆ.
ದೇವರ ದರ್ಶನಕ್ಕೆ ಬರುವ ಪುರುಷ ಭಕ್ತರು ಧೋತಿ ಅಥವಾ ಲುಂಗಿ ಧರಸಿಯೇ ಬರಬೇಕು. ದೇವಾಲಯ ಒಳ ಪ್ರವೇಶಿಸುವಾಗ ಕಡ್ಡಾಯವಾಗಿ ಶರ್ಟ್ ( ಅಂಗಿ )ತೆಗೆಯಬೇಕು. ಪ್ಯಾಂಟ್ ಬರ್ಮುಡಾ , ಅರ್ಧ ಪ್ಯಾಂಟ್ ಧರಿಸಿ ಬಂದವರಿಗೆ ಪ್ರವೇಶ ಇಲ್ಲ. ಮಹಿಳೆಯರು ಕೂಡ ಸೀರೆ , ಚೂಡಿದಾರ ಅಥವಾ ಲಂಗ , ಶಲ್ಯವನ್ನು ಧರಿಸಲೇಬೇಕು. ಅರ್ಧ ಪ್ಯಾಂಟ್ ಬರ್ಮುಡಾ, ಸ್ಕರ್ಟನ್ನು ಧರಿಸಿ ಬಂದರೆ ಪ್ರವೇಶಕ್ಕೆ ಅನುಮತಿ ಇರುವುದಿಲ್ಲ ಎಂದು ದೇವಾಲಯ ಆಡಳಿತ ಮಂಡಳಿ ತಿಳಿಸಿದೆ.
ಭಾರತೀಯ ಉಡುಗೆಯೊಂದಿಗೆ ದೇವಾಲಯಕ್ಕೆ ಬಂದು ದೇವರ ದರ್ಶನ ಪಡೆಯಲು ದೇವಾಲಯದ ಆಡಳಿತ ಭಕ್ತರಲ್ಲಿ ವಿನಂತಿಸಿದೆ.
