ಭಟ್ಕಳ: ನಿರಂತರ ಮಳೆಗೆ ಭಟ್ಕಳ ತಾಲೂಕಿನಲ್ಲಿ ಮತ್ತೆ 5 ಮನೆಗಳಿಗೆ ಹಾನಿಯಾಗಿದೆ.

ಹಾನಿಗೀಡಾದವರನ್ನು ಮಾಸ್ತಿ ಮಂಜಪ್ಪ ಬೆಂಗ್ರೆ, ಲಕ್ಷ್ಮೀ ರಾಮಾ ಮರಾಠಿ ಕಾಸಗೇರಿ ಬೈಲೂರು, ಕುಪ್ಪಯ್ಯ ಲಚ್ಮಯ್ಯ ನಾಯ್ಕ ಹದ್ಲೂರು ಆಶಿಕಾನ್, ಮಾದೇವೇ ಕೋಂ ಜಟ್ಟಪ್ಪ ನಾಯ್ಕ ದೀವಗೇರಿ ಮಾವಳ್ಳಿ 2 , ಹೆರಿಯಾ ಬಿನ್ ಸೋಮ ನಾಯ್ಕ ಬೆಳಕೆ ಎಂದು ಹೆಸರಿಸಲಾಗಿದೆ. ಈ ಪೈಕಿ 3 ಮನೆಗಳಲ್ಲಿ ಜನರು ವಾಸಿಸುತ್ತಿದ್ದರೆ, 2 ಮನೆಗಳು ವಾಸವಿಲ್ಲದ ಮನೆಗಳಾಗಿವೆ. ಅದೃಷ್ಟವಶಾತ್ ಯಾವುದೇ ಪ್ರಾಣಾಪಾಯ ಸಂಭವಿಸಿಲ್ಲ. ಮಳೆಯಿಂದಾಗಿ ಮನೆಯ ಗೋಡೆಗಳು ಕುಸಿದು ಬಿದ್ದಿವೆ. ಹಾನಿಯ ಒಟ್ಟೂ ಮೌಲ್ಯ ಅಜಮಾಸು ರು.1 ಲಕ್ಷ 50 ಸಾವಿರ ಎಂದು ಅಂದಾಜಿಸಲಾಗಿದೆ. ಕಂದಾಯ ಅಧಿಕಾರಿಗಳು ಸ್ಥಳಕ್ಕೆ ಭೇಟಿ ನೀಡಿ ಪರಿಶೀಲನೆ ನಡೆಸಿದ್ದಾರೆ