ಐಐಎಸ್ಟಿಗೆ ಭಟ್ಕಳದ ವಿದ್ಯಾರ್ಥಿನಿ ಸುಚಿತ್ರ ಆಯ್ಕೆ
ಭಟ್ಕಳ: ಭಾರತೀಯ ಬಾಹ್ಯಾಕಾಶ ವಿಜ್ಞಾನ ಮತ್ತು ತಂತ್ರಜ್ಞಾನ ಸಂಸ್ಥೆ (Indian Institute of Space Science And Technology) ತಿರುವಂತಪುರಂ ಇದರಲ್ಲಿ ಏರೋಸ್ಪೇಸ್ ಇಂಜಿನೀಯರಿಂಗ್ (Aerospace Engineering) ಅಧ್ಯಯನಕ್ಕೆ ಭಟ್ಕಳದ ವಿದ್ಯಾರ್ಥಿನಿ ಸುಚಿತ್ರಾ ಚೈತನ್ಯ ಶೇಟ್ ಆಯ್ಕೆಯಾಗಿದ್ದಾಳೆ.
ಈಕೆ ಇಲ್ಲಿನ ಪ್ರತಿಷ್ಠಿತ ಸಿದ್ದಾರ್ಥ ಪದವಿಪೂರ್ವ ಕಾಲೇಜಿನ ವಿದ್ಯಾರ್ಥಿನಿಯಾಗಿದ್ದು, ಈಕೆ ಜೆಇಇ ಅಡ್ವಾನ್ಸ್ (ಐಐಟಿ) JEE Advance (IIT) ಪರೀಕ್ಷೆಯಲ್ಲಿ 7629ನೇ ರೇಂಕ್ (All India Rank) ಪಡೆದು ಈ ಐಐಎಸ್ಟಿ ಅಧ್ಯಯನ ಅವಕಾಶವನ್ನು ಗಿಟ್ಟಿಸಿಕೊಂಡಿದ್ದಾಳೆ. ಈಕೆಯ ಈ ಸಾಧನೆಗೆ ಸಿದ್ಧಾರ್ಥ ಪದವಿಪೂರ್ವ ಕಾಲೇಜಿನ ಪ್ರಾಚಾರ್ಯರು, ಉಪನ್ಯಾಸಕರು, ಸಿದ್ಧಾರ್ಥ ಕಾಲೇಜು ಆಡಳಿತ ಮಂಡಳಿಯ ಸದಸ್ಯರು, ಭಟ್ಕಳದ ವಿವಿಧ ಸಂಘ ಸಂಸ್ಥೆಗಳ ಪ್ರತಿನಿಧಿಗಳು, ಶಿಕ್ಷಣ ಪ್ರೇಮಿಗಳು ಅಭಿನಂದನೆ ಸಲ್ಲಿಸಿದ್ದಾರೆ.