ಹೊಸದಿಲ್ಲಿ:  ಬಿಜೆಪಿ ಅಭ್ಯರ್ಥಿ ರೇಖಾ ಗುಪ್ತಾ ಅವರನ್ನು 34 ಮತಗಳ ಅಂತರದಿಂದ ಸೋಲಿಸಿದ ಆಮ್ ಆದ್ಮ ಪಕ್ಷ(ಎಎಪಿ)ದ ಅಭ್ಯರ್ಥಿ ಶೆಲ್ಲಿ ಒಬೆರಾಯ್ ಬುಧವಾರ ದಿಲ್ಲಿ ಮಹಾನಗರ ಪಾಲಿಕೆಯ ನೂತನ ಮೇಯರ್ ಆಗಿ ಆಯ್ಕೆಯಾಗಿದ್ದಾರೆ. 250 ಸದಸ್ಯರ ದಿಲ್ಲಿ ಮಹಾನಗರ ಪಾಲಿಕೆಯ ಪೂರ್ವ ಪಟೇಲ್ ನಗರ ವಾರ್ಡ್‌ ಆಫ್ ಸದಸ್ಯೆ ಶೆಲ್ಲಿ ಒಬೆರಾಯ್ ಅವರು 150 ಮತಗಳನ್ನು ಪಡೆದರೆ, ಶಾಲಿಮಾರ್ ಬಾಗ್-ಬಿ ವಾರ್ಡ್‌ನ ಬಿಜೆಪಿ ಸದಸ್ಯೆ ರೇಖಾ ಗುಪ್ತಾ ಅವರು 116 ಮತಗಳನ್ನು ಪಡೆದಿದ್ದಾರೆ.

ಉಪ ಮೇಯರ್ ಆಗಿ ಮುಹಮ್ಮದ್ ಇಟ್ಬಾಲ್‌: ದಿಲ್ಲಿ ಮಹಾನಗರ ಪಾಲಿಕೆಯ ನೂತನ ಉಪ ಮೇಯರ್ ಆಗಿ ಆಮ್ ಆದಿ ಪಕ್ಷದ ನಾಯಕ ಆಲೆ ಮುಹಮ್ಮದ್ ಇಟ್ಬಾಲ್ ಬುಧವಾರ ಆಯ್ಕೆಯಾಗಿದ್ದಾರೆ.

ಅಲೆ ಮುಹಮ್ಮದ್ ಇಟ್ಬಾಲ್ ಅವರು ಬಿಜೆಪಿಯ ಕಮಲಾ ಬಾರ್ಗಿ ಎದುರು 31 ಮತಗಳ ಅಂತರದಿಂದ ಗೆಲುವು ಪಡೆದರು. ಇನ್ಸಾಲ್ ಪರ 147 ಮತಗಳು ಹಾಗೂ ಬಾರ್ಗಿ ಪರ 116 ಮತಗಳು ಚಲಾವಣೆಯಾಗಿವೆ.

ಮಹಾನಗರ ಪಾಲಿಕೆಯ ಚುನಾವಣೆ ನಡೆದ ಬಳಿಕದ ಮೊದಲ ಸಭೆಯಲ್ಲೇ ಮೇಯರ್ ಆಯ್ಕೆಯಾಗಬೇಕೆಂಬ ನಿಯಮವಿದೆ. ಆದರೆ, ಆಪ್ ಹಾಗೂ ಬಿಜೆಪಿ ನಡುವಿನ ಗಲಾಟೆ, ಚುನಾವಣಾ ಗೊಂದಲದಿಂದ ಮೇಯರ್ ಆಯ್ಕೆ ಚುನಾವಣೆಯನ್ನು ಮೂರು ಬಾರಿ ಮುಂದೂಡಲಾಗಿತ್ತು.

ದಿಲ್ಲಿ ಮಹಾನಗರ ಪಾಲಿಕೆಯ ಮೇಯರ್ ಆಯ್ಕೆಯ ಚುನಾವಣೆಯಲ್ಲಿ ಪಾಲಿಕೆಯ ನಾಮನಿರ್ದೇಶಿತ ಸದಸ್ಯರು ಮತ ಚಲಾಯಿಸುವಂತಿಲ್ಲ ಎಂದು ಸುಪ್ರೀಂ ಕೋರ್ಟ್‌ ಫೆಬ್ರವರಿ 18ರಂದು ಆದೇಶ ನೀಡಿತ್ತು. ಈ ಹಿನ್ನೆಲೆಯಲ್ಲಿ ಬುಧವಾರ ಬಿಗಿ ಬಂದೋಬಸ್‌ನಲ್ಲಿ ದಿಲ್ಲಿ ಮೇಯರ್ ಆಯ್ಕೆಗೆ ಚುನಾವಣೆ ನಡೆಯಿತು.

ಗೂಂಡಾಗಳು ಸೋತರು, ಕೇಜ್ರಿವಾಲ್: ದಿಲ್ಲಿ ಮಹಾನಗರ ಪಾಲಿಕೆಯ ನೂತನ ಮೇಯರ್ ಆಗಿ ಆಯ್ಕೆಯಾಗಿರುವ ಶೆಲ್ಲಿ ಒಬೆರಾಯ್ ಅವರನ್ನು ದಿಲ್ಲಿ ಮುಖ್ಯಮಂತ್ರಿ ಅರವಿಂದ್ ಕೇಜಿವಾಲ್ ಹಾಗೂ ಉಪ ಮುಖ್ಯಮಂತ್ರಿ ಮನೀಷ್ ಸಿಸೋಡಿಯಾ ಅವರು ಅಭಿನಂದಿಸಿದ್ದಾರೆ. “ದಿಲ್ಲಿ ಮಹಾನಗರ ಪಾಲಿಕೆಯಲ್ಲಿ ಇಂದು ಜನರು ಜಯ ಗಳಿಸಿದ್ದಾರೆ. ಗೂಂಡಾಗಳು ಸೋತಿದ್ದಾರೆ' ಎಂದು ಕೇಜಿವಾಲ್ ಅವರು ಹೇಳಿದ್ದಾರೆ.