یڈیورپا کو وزیر اعلیٰ بنانا ہمارا مقصد نہیں : ایشورپا

Source: S.O. News Service | By Shahid Mukhtesar | Published on 11th January 2017, 11:46 AM | ریاستی خبریں |

بنگلورو۔10؍جنوری(ایس او نیوز) ریاستی بی جے پی کے صدر بی ایس یڈیورپا کو ایک زبردست جھٹکا دیتے ہوئے ان کے سیاسی حریف اور لجسلیٹیو کونسل کے اپوزیشن لیڈر کے ایس ایشورپا نے کہاکہ انہوں نے جو سنگولی راینا برگیڈ تشکیل دی ہے وہ یڈیورپا کو ریاست کا وزیر اعلیٰ بنانے کیلئے نہیں ہے۔ آج کلبرگی میں اخباری نمائندوں سے بات چیت کرتے ہوئے انہوں نے کہاکہ سنگولی راینا برگیڈ کا مقصد ریاست میں پسماندہ طبقات اور دلتوں کو مستحکم کرنا ہے نہ کہ یڈیورپا کو وزیراعلیٰ بناناہے۔ سابق نائب وزیراعلیٰ نے کہاکہ سنگولی راینا برگیڈ نے اب اپنے موقف میں تبدیلی لائی ہے۔اس سے پہلے برگیڈ کی یہ خواہش تھی کہ یڈیورپا ریاست کے وزیر اعلیٰ بنیں، لیکن اب یڈیورپا نے واضح طور پر کہا ہے کہ انہیں سنگولی راینا برگیڈ کے ساکھ کی ضرورت نہیں ہے۔ ریاست کے عوام ہی انہیں وزیر اعلیٰ بنائیں گے۔اسی لئے سنگولی راینا برگیڈ نے مختلف مٹھوں کے سربراہوں کے مشورہ پر طے کیا ہے کہ وہ کسی بھی سیاسی جماعت کا ساتھ نہیں دے گی۔ انہوں نے واضح کیا کہ کسی بھی حال میں وہ سنگولی راینا برگیڈ کو سیاسی جماعت کی شکل نہیں دیں گے۔ یہ مانتے ہوئے کہ ریاستی بی جے پی میں سنگولی راینا برگیڈ کی وجہ سے دہشت کا ماحول ہے ، انہوں نے توقع ظاہر کی کہ جلد ہی اس معاملے کو سلجھالیا جائے گا۔ 26جنوری کو باگلکوٹ ضلع کے کوڈلا سنگما میں سنگولی راینا برگیڈ کی طرف سے ایک بہت بڑا جلسہ منعقد کیا جارہا ہے۔ ایشورپا نے کہاکہ بی جے پی میں رہتے ہوئے بھی پسماندہ طبقات اور دلتوں کواپنی پہچان کیلئے ایک الگ تنظیم قائم کرنے کا اختیار حاصل ہے۔ یہ کوئی سیاسی تنظیم نہیں، بلکہ ان طبقات کو سماجی انصاف دلانے کیلئے قائم کیا جانے والا ایک ادارہ ہے۔ سابق وزیراعلیٰ یڈیورپا نے ایشورپا کے اس بیان پر سخت ردعمل ظاہر کرتے ہوئے کہاکہ سنگولی راینا برگیڈ کی بدولت وہ وزیر اعلیٰ نہیں بنیں گے ،بلکہ ریاستی عوام انہیں وزیر اعلیٰ بنائیں گے۔

ایک نظر اس پر بھی

اسمبلی میں وزیراعلیٰ کا وداعی خطاب، پانچ سالہ کارکردگی کااحاطہ اقتدا ر پر دوبارہ ہم ہی لوٹ آئیں گے، اس میں شک وشبہ نہ کریں: سدارامیا

ریاست کرناٹک میں 14ویں اسمبلی کے آخری سیشن کے آخری دن وزیراعلیٰ سدارامیا اپنی وداعی تقریر کرتے ہوئے کہاکہ پچھلے 5سالوں کے دوران ان کی حکومت کئی عوام دوست پروگراموں کو جاری کرکے ریاست میں ایک اچھا اور شفاف انتظامیہ فراہم کیا اور دعویٰ کیا کہ دوبارہ ہم ہی اقتدار پر لوٹ آئیں گے ...

بنگلور کے ہندو شمشان میں دفن کی گئی مسلم کی نعش کو 21 دن بعد نکالا گیا؛ نمازجنازہ کے بعد کی گئی مسلم قبرستان میں دوبارہ تدفین

شمشان میں دفن کی گئی لاش کو 21 دن بعد باہر نکال کر اُس کوغسل دینے اور نماز جنازہ ادا کرکے  مسلم قبرستان میں دوبارہ دفن کرنے کی واردت  بنگلور میں پیش آئی ہے۔ اس تعلق سے سماجی کارکن صابو لال قریشی کی کوششوں کی ہر کوئی سراہنا کررہا ہے جنہوں نے سرکاری اجازت نامہ کے ساتھ شمشان سے لاش ...

ہوناور میں پریش میستا کے گھر پہنچے امیت شاہ نے دیا سی بی آئی سے تحقیقات کروانے کا بھروسہ؛ عوامی پروگرام میں شرکت کے بغیر ہی واپسی پر ضلع کے عوام کو ہوئی مایوسی

یہاں دسمبر کے مہینے میں ہوئے فرقہ وارانہ فساد کے پس منظر میں پریش میستا نامی نوجوان کی لاش مشکوک حالت میں تالاب سے برآمد ہوئی تھی۔ بی جے پی اس سے سیاسی فائدہ اٹھانے کی مسلسل کوشش کررہی ہے اس لیے پارٹی کے چھوٹے بڑے لیڈر وں کا وقفے وقفے سے پریش  میستا کے گھر جانا ایک معمول بن گیا ...

منگلورو کے کسبا بینگرے میں گروہی تصادم :پولس سمیت 10زخمی ،سواریوں کو نقصان؛ حالات پر قابو پانے لاٹھی چارج کے بعد پولس نے کی ہوائی فائرنگ

ملپے میں بی جے پی کی طرف سے منعقدہ قومی ماہی گیر سماویش ختم ہونے کے بعد بس کے ذریعے لوٹنے والوں اور مقامی لوگوں کے درمیان ’’گروہی تصادم ‘‘ہونے کا واقعہ منگل کی رات کسبا بینگرے میں پیش آیا، جس پر قابو پانے کے  لئے پولس کو پہلے لاٹھی چارج، پھر ہوا میں فائرنگ کرنی پڑی۔ اب حالات ...