نئی دہلی،14اگست(ایس او نیوز؍آئی این ایس انڈیا)یوم آزادی پر دہشت گردانہ حملے کی دھمکی پر وزیر داخلہ ہنس راج اہیر کا کہنا ہے کہ ایسی دھمکیاں سالوں سے دہشت گرد دیتے آئے ہیں جو کہ پاکستان سے حوصلہ افزاء ہیں۔ انہوں نے کہا کہ ہم دھمکی سے ڈرنے والے نہیں ہیں اور ملک کی حفاظت کے لئے مصروف عمل ہیں، اگر دہشت گرد اپنی حرکتوں سے باز نہیں آئیں گے، تو ان کو سیکورٹی فورسز معقول جواب دینے کے قابل ہیں۔ گزشتہ چند دنوں میں فوج نے کئی دہشت گردوں کو مار گرایا ہے اور آگے بھی ایسی سخت کارروائی ہوتی رہے گی۔

وزیر داخلہ ہنس راج اہیرنے کہاکہ 15 اگست قومی تہوار ہے اور کشمیر سے کنیا کماری تک پورے ملک کی عوام جوش و خروش کے ساتھ اسے منائے گی۔ انہوں نے کہا کہ اپنے ذریعے سے میں پکارتا ہوں کہ آپ لوگ یوم آزادی پر ترنگا لہرائیں اور بھارت ماتا کی جے کہہ کر قومی تہوار میں شامل ہوں۔ ملک دہشت گردوں کی گیدڑبھکتی سے نہ کبھی ڈرا ہے اور نہ ہی ڈرے گا، ہماری حکومت دہشت گردوں کو منہ توڑ جواب دینے کے قابل ہے۔

آرٹیکل 35A کے بارے میں وزیر مملکت ہنس راج اہیر کا کہنا ہے کہ اس بارے میں وزیر داخلہ پہلے ہی جواب دے چکے ہیں، ہماری حکومت آئین کے باہر جاکر کچھ نہیں کرنا چاہتی، ان فضول کی باتوں کو لے کر وہاں کی عوام میں خدشات پھیلائے جا رہے ہیں، حکومت عوام کے لئے ناخوشگوار ہونے والا کوئی قدم نہیں اٹھانا چاہتی۔ انہوں نے کہا کہ ہم امن چاہتے ہیں اور عوام کے ساتھ کام کرنا چاہتے ہیں۔

جموں کشمیر کے موجودہ حالات پر ہنس راج اہیر کا کہنا ہے کہ وہاں کے امن کے لئے ہمارے جوانوں نے قربانی دی ہے، پوری طاقت کے ساتھ ہم نے وہاں دہشت گردوں کا خاتمہ بھی کیا، فوج کے آپریشن کے بعد وہاں دہشت گرد ادھر ادھر بھاگ رہے ہیں۔ اس کا مطلب یہ ہے کہ ہم پوری طاقت کے ساتھ وادی میں دہشت گردوں کا صفایا کر رہے ہیں اور وہاں امن قائم کرنے کی سمت میں آگے بڑھ رہے ہیں۔ انہوں نے کہا کہ جموں و کشمیر کی عوام سے اپیل کرتا ہوں کہ ملک کے قومی تہوار یوم آزادی میں بڑھ چڑھ کر حصہ لیں اور دہشت گردوں کی گیدڑبھکتی سے ڈرنے کی ضرورت نہیں ہے۔