پٹنہ:7/دسمبر (ایس او نیوز/آئی این ایس انڈیا)ٹی وی موٹر کمپنی کے پریمیم موٹرسائیکل برانڈ ٹی وی ایس اپاچے نے اپاچے آنرس گروپ (اے او جی)کی پہلی بین الاقوامی رائیڈ کو ہری جھنڈی دکھا کر روانہ کیا۔ رائیڈ کا آغاز مغربی بنگال کے سلی گڑی سے ہوا، 17 مرد اور عورتیں اپنی ٹی وی ایس اپاچے موٹرسائیکلوں پر سوارہوکر بھوٹان پہنچیں گے۔ ٹی وی ایس اپاچے موٹرسائیکلوں کی تمام رینج میں شامل۔ ٹی وی ایس اپاچے آرٹی آر 160، ٹی وی ایس اپاچے آرٹی آر 160 4 وی، ٹی وی ایس اپاچے آرٹی آر 180، ٹی وی ایس اپاچے آرٹی آر 200 4 وی اور ٹی وی ایس اپاچے آر آر 310 اس رائیڈ میں شامل ہوں گی۔ رائڈر 10 دنوں کے اندر اندر 2000 کلومیٹر کی دوری طے کریں گے۔ ملک بھرمین کئی کامیاب رائیڈس مکمل کرنے کے بعد ٹی وی ایس اپاچے اب ہندوستان کے اے او جی ارکان کوبین الاقوامی رائیڈس میں حصہ لینے کا موقع دے رہی ہے۔سلی گڑی سے روانہ ہونے کے بعد، ٹیم سرحدپرواقعچھوٹے سے شہر پھٹشولنگ پہنچے گی۔ یہاں سے وہ بھوٹان کے دارالحکومت تھمپو کی طرف بڑھیں گے، اس کے بعدکوئنسیلفودرانگ میں انہیں بدھ کی سب سے بڑی مورتی دیکھنے کا موقع ملے گا۔ پانچویں دن یہ دلچسپ سفر بھوٹان کی دوندیوں۔ مو چو اور پھو چو کے کنارے چلتے ہوئے پناکھا وادی کی طرف بڑھے گی۔آخر میں رائیڈر بھوٹان کے سب اونچے موٹرپاس چیلیل لا تک پہنچیں گے، اس طرح ٹی وی ایس اپاچے پر سوارہوکر ان کا یہ سفر بھوٹان میں اختتام پذیر ہوگا۔