منموہن سنگھ کی مودی حکومت کو بدلنے کیلئے اپوزیشن پارٹیوں سے متحد ہونے کی اپیل

Source: S.O. News Service | By Shahid Mukhtesar | Published on 11th September 2018, 11:27 AM | ملکی خبریں |

نئی دہلی،11؍ ستمبر (ایس او نیوز؍آئی این ایس انڈیا) سابق وزیر اعظم منموہن سنگھ نے مودی حکومت پر عوام سے کئے گئیوعدے پورا نہ کرنے کا الزام لگاتے ہوئے کہا ہے کہ اپوزیشن پارٹیوں کو عوام کے خلاف کام کر رہی حکومت کو تبدیل کرنے کے لئے متحد ہونے کی ضرور ت ہے۔

ڈاکٹر سنگھ نے کانگریس کے ’بھارت بند‘ کے دوران یہاں رام لیلا میدان میں منعقد دھرنا و مظاہرہ میں کہا کہ اپوزیشن پارٹیوں کو اپنے تمام اختلافات فراموش کرکے ملک کے اتحاد، سالمیت اور جمہوريت کے لئے متحد ہوکر کام کرنے اور مودی حکومت کو اقتدار سے ہٹانے کی ضرورت ہے۔

انہوں نے کہا کہ اس حکومت کی عوام مخالف پالیسیوں کا بھانڈا پھوٹ چکا ہے۔کسان،تاجر، چھوٹے بڑے کاروباری اور نوجوان پریشان ہیں، لہذا مل کر اس حکومت کو اقتدار سے باہر کرنیکی مہم چلانے کی ضرورت ہے۔

ڈاکٹر سنگھ نے کہا کہ سارا اپوزیشن پٹرول اور ڈیزل کی قیمتوں میں اضافہ اور آسمان چھوتی مہنگائی پر حکومت کی توجہ اپنی طرف مبذول کرنے اور عوام کی آواز بلند کرنے کے لئے آج جمع ہوا۔

ایک نظر اس پر بھی

تلنگانہ میں 19فروری کو کابینہ کی توسیع

تلنگانہ کے وزیر اعلی کے چندرشیکھر راؤ دوبارہ اقتدار میں آنے کے دو ماہ کے بعد اپنی کابینہ میں توسیع کرنے کی تیاری میں ہے اور ساری بحث اب اس بات پر ٹک گئی ہے کہ اس میں کن لوگوں کو شامل کیا جائے گا۔