تلنگانہ کے کونڈا گٹّو میں ہوئے بس حادثہ میں مرنے والوں کی تعداد بڑھ کر 60؛ ایوارڈ یافتہ ڈرائیور تھا؛ بس بھی نئی تھی؛ بریک لگاتے ہی کچھ مسافر ڈرائیور پر گرگئے تھے

Source: S.O. News Service | By I.G. Bhatkali | Published on 12th September 2018, 8:40 PM | ملکی خبریں |

حیدرآباد 12/ستمبر (ایس او نیوز) کل منگل کو تلنگانہ کے کونڈاگٹّو میں ہوئے ایک  سرکاری بس حادثہ میں مرنے والوں کی تعداد بڑھ کر اب 60 ہوگئی ہے۔ مرنے والوں میں32 خواتین اور چار بچے بھی شامل ہیں۔

اطلاع کے مطابق تلنگانہ اسٹیٹ روڈ ٹرانسپورٹ کارپوریشن (ٹی ایس آر ٹی سی) کی بس بالکل نئی تھی، جبکہ بس ڈرائیور بھی بے حد تجربہ کار اور ڈرائیونگ میں ماہر تھا، جسے اسی سال یوم آزادی کے موقع پر بیسٹ ڈرائیور کے اعزاز سے بھی نوازا گیا تھا۔

ویسے تو حادثے کی تفصیلی چھان بین کرنے کے احکامات جاری کئے گئے ہیں مگر ذرائع سے ملی اطلاع کے مطابق سرکاری بس پر جملہ 101 لوگ سوار تھے، حالانکہ بس پر 60 سے زائد مسافروں کی گنجائش نہیں تھی۔  بعض  میڈیا کی رپورٹس کے مطابق  جس سڑک پر سے بس گذر رہی تھی، اُس سڑک کی خستہ حالی کو دیکھتے ہوئے اُسے سواریوں کے لئے بند کردیا گیا تھا، اورجگتیال کے لئے پانچ کلو میٹر زائد فاصلے والا   متبادل راستہ موجود  تھا ۔  مگر بتایا جارہا ہے کہ پٹرول کی بچت کے لئے بس کو اُسی خستہ حال سڑک پر سے جانے کی اجازت دی گئی تھی۔ رپورٹس کے مطابق  بس پر غریب اور مزدور لوگ سفر کررہے تھے جو پہاڑی پر موجود  انجنیا سوامی مندر میں پوجا پاٹ کے بعد واپس جگتیال جارہے تھے۔ رپورٹس کے مطابق  بس پر سوار ہوکر بمشکل پانچ منٹ گذرے تھے کہ  پہاڑی کی ڈھلان پراچانک ہمپ آگیا، جس کے تعلق سے ڈرائیور انجان تھا۔ ہمپ پر جیسے ہی ڈرائیور نے بریک لگائے، اُسی وقت کچھ مسافر ڈرائیور پر گر پڑے، جس کے نتیجے میں ڈرائیور کے ہاتھوں سے بس بے قابو ہوگئی اور کئی پلٹیاں کھاتے ہوئے 30 فٹ گہری کھائی میں جاگری۔ ہلاک ہونے والوں میں ڈرائیور بھی شامل ہے۔

حادثے میں 41 لوگ شدید زخمی ہوئے ہیں، جنہیں کریم نگر اور حیدرآباد اسپتالوں میں داخل کیا گیا ہے۔ 

ایک نظر اس پر بھی

وزیر اعظم نے مانا کہ فضائیہ سے بغیر پوچھے بدلا رافیل کا کنٹریکٹ: راہل

کانگریس صدر راہل گاندھی نے سپریم کورٹ میں حکومت کے رافیل معاملے سے متعلق حلف نامے کو لے کر منگل کو وزیر اعظم نریندر مودی پر نشانہ لگایا اور دعوی کیا کہ مودی نے فضائیہ سے پوچھے بغیر کنٹراکٹ بدلنے کی بات قبول کر لی ہے۔گاندھی نے ٹویٹ کر کہاکہ سپریم کورٹ میں مودی جی نے مانی اپنی ...

منی لانڈرنگ معاملے میں صحافی اپیندر رائے کی ضمانت کی درخواست مسترد

دہلی کی ایک عدالت نے مبینہ طور پر زبردستی وصولی اور مشکوک مالیاتی لین دین سے متعلق منی لانڈرنگ کے ایک معاملے میں گرفتار صحافی اپیندر رائے کی ضمانت کی درخواست منگل کو مسترد کر دی۔ایڈیشنل سیشن جج راکیش سیال نے رائے کو یہ کہہ کر راحت دینے سے انکار کر دیا کہ ان کے خلاف لگے الزامات ...

مودی حکومت ملک کو برباد کرنے میں لگی ہوئی ہے: بادل

پنجاب کے وزیر خزانہ من پریت سنگھ بادل نے کہاہے کہ بی جے پی زیرقیادت مرکزی حکومت ہندوستان کی حفاظت کے بجائے اس کوبرباد کرنے میں لگی ہوئی ہے۔بادل نے کہاہے کہ بھگوان نے سب سے کمزور جانور کون سا بنایا ہے۔پنجابی میں اسے چڑی (چڑیا) کہتے ہیں۔وہ اپنی حفاظت نہیں کر سکتی

نوٹ بندی سے غریبوں پر پڑی مار، امیروں کو ہوا فائدہ:راہل گاندھی نے پھر سادھا مودی پر نشانہ؛ کہا؛اقتدار پر آنے کی صورت میں 10 دن کے اندرچھتیس گڑھ کے کسانوں کا کریں گے قرضہ معاف

کانگریس صدر راہل گاندھی نے نوٹ بندی کو لے کر وزیر اعظم نریندر مودی پر جوابی حملہ بولا اور کہا کہ نوٹ بند کرنے سے غریبوں کو نقصان ہوا اور ’سوٹ بوٹ‘ پہننے والے امیروں کو فائدہ ہوا۔چھتیس گڑھ میں 20 نومبر کو ہونے والے دوسرے مرحلے کی پولنگ سے پہلے یہاں ریلی سے خطاب کرتے ہوئے گاندھی ...

سکھ مخالف فسادات معاملوں کی جانچ رکی، وفد نے صدر سے کی مداخلت کی مانگ

باعزت شہریوں کے ایک وفد نے منگل کو صدر رام ناتھ کووند سے ملاقات کی اور ان سے درخواست کی کہ وہ 1984 کے سکھ مخالف فسادات کے معاملات کی تحقیقات کی نگرانی کے لئے قائم ایس آئی ٹی کے تیسرے رکن کے نام کو فوری مطلع کرنے کے لئے سپریم کورٹ سے کہیں۔صدر سے ملاقات کرنے والے اس وفد میں سابق آرمی ...

60 سابق افسرشاہ ہوئے مودی کے خلاف، سی اے جی پر لگایاموجودہ حکومت کی شبیہ کو بچانے آڈٹ رپورٹ میں جان بوجھ کرکررہا ہے تاخیر

60ریٹائرڈ افسران نے کیگ کو خط لکھ کر اس پر نوٹ بندی اور رافیل سودے پر آڈٹ رپورٹ کو جان بوجھ کر ٹالنے کا الزام لگایا ہے تاکہ اگلے سال انتخابات سے پہلے این ڈی اے حکومت کی شبیہہ خراب نہ ہو۔سابق حکام نے ایک خط میں کہا ہے کہ نوٹ بندی اور رافیل لڑاکا طیارہ سودے پر آڈٹ رپورٹ لانے میں غیر ...