تلنگانہ: ووٹنگ سے پہلے گاڑی سے ملے 3 کروڑروپے، ووٹروں میں بانٹنے کی تھی تیاری
حیدرآباد،06؍ دسمبر (ایس او نیوز؍آئی این ایس انڈیا) تلنگانہ میں جمعہ کو ہونے والے انتخابات سے ایک دن پہلے الیکشن کمیشن اور ورنگل ضلع انتظامیہ کی مشترکہ کارروائی میں ایک امیدوار کی گاڑی سے 3 کروڑ روپے سے زیادہ نقد ضبط کی گئی ہے۔وارنگل پولیس نے وردھاناپیٹ اسمبلی سے ان پیسوں کو گاڑیوں کی چیکنگ کے دوران برآمد کیا ہے۔پولیس کے مطابق برآمد کی گئی رقم ووٹروں کے درمیان تقسیم کرنے کے لئے کہیں لے جایا جا رہا تھا لیکن اس سے پہلے ہی پولیس نے قبضہ کر لیا۔اس کارروائی کے بعد وارنگل کے پولیس کمشنر ویروندر نے کہا کہ 3 کروڑ روپے سے زیادہ نقدی کو تلنگانہ کی وردھاناپیٹ اسمبلی میں تقسیم کرنے کے لئے ایک گاڑی سے لے جایا جا رہا تھا۔ کمشنر نے کہا کہ پولیس کو اس بات کے ثبوت ملے ہیں کہ یہ پیسے یہاں تلنگانہ جن سمیٹی کے امیدوار پی دیویا کی جانب سے بھیجے گئے تھے جسے دیکھتے ہوئے محکمہ الیکشن کمیشن کے افسروں کے ساتھ اس کی کارروائی کر رہا ہے۔ غور طلب ہے کہ تلنگانہ میں جمعہ کو اسمبلی انتخابات کے لئے ووٹنگ کرائی جانی ہے۔جمعہ کو ہونے والے پولنگ سے پہلے الیکشن کمیشن نے یہاں ووٹنگ کی ساری تیاریاں مکمل کر لی ہیں۔تلنگانہ میں ووٹنگ سے پہلے جمعرات ہی حیدرآباد سمیت دیگر ریاستوں میں گاڑیوں کی چیکنگ کی جا رہی ہے۔اس کے علاوہ پولنگ کو پُر امن طریقے سے کرانے کے لیے ریاست میں سخت حفاظتی انتظامات بھی کئے گئے ہیں۔
