نئی دہلی ،02 ؍فروری ( ایس او نیوز؍آئی این ایس انڈیا) راشٹریہ جنتا دل (آر جے ڈی) لیڈر اور بہار کے سابق نائب وزیر اعلی تیجسوی یادو نے رام مندر کو لے کر بی جے پی اور پی ایم نریندر مودی پر نشانہ لگایا ہے۔

انہوں نے بی جے پی پر نشانہ لگاتے ہوئے کہا ہے کہ جب ‘سورگ‘میں بھگوان رام کو ہچکی آتی ہے تو سیتا میا پوچھتی ہیں۔ پربھوکیوں ہچکی آ رہی ہے، تب رام جی کہتے ہیں۔انتخابات سامنے آ گیا ہے، بی جے پی یاد کر رہی ہے۔ہریانہ کے گرگرام میں منعقد اس ریلی میں تیجسوی یادو نے والد لالو یادو کے جیل میں ہونے کی طرف اشارہ کرتے ہوئے کہا کہ اس دور میں جو لوگ سچ بولتے ہیں، انہیں سزا دی جاتی ہے۔جب آپ کوئی سوال پوچھتے ہیں تو اقتدار میں بیٹھے لوگ جواب دینے کے بجائے معاشرے میں زہر گھولتے ہیں۔

تیجسوی یادو نے وزیر اعظم نریندر مودی پر نشانہ لگاتے ہوئے کہا وزیر اعظم بھول جاتے ہیں کہ اگر وہ چوکیدار ہیں تو ملک کے لوگ تھانیدار ہیں۔بہار میں خراب قانون و نظام پر حزب اختلاف کے رہنما اور آر جے ڈی لیڈر تیجسوی یادو نے وزیر اعلیٰ کوخط لکھا ہے اور اس پر کچھ اقدامات کرنے کی اپیل کی ہے۔

تیجسوی یادو نے کہا کہ کرائم کو کنٹرول کے بجائے بہار کے وزیراعلیٰ مجرموں کوتحفظ دے رہے رہیں ۔سی ایم کا کام عوام کی حفاظت کرنے کا ہے۔ مگر بدقسمتی سے، وہ اس اہم کام کو بھولتے جا رہے ہیں۔بہار میں خراب قانون ونظام کو لے کر تیجسوی یادو نے اپنے خط میں لکھا ہے کہ ایسا لگتا ہے کہ سماج دشمن عناصر کو کھلی چھوٹ دے دی گئی ہے تاکہ بے خوف ہوکر جرم کرتے رہیں۔ ان دنوں ریاست بھر سے دن دہاڑے قتل عام، سیاسی قتل، عصمت دری، اغوا، اور مختلف طرح کے جرائم اقتدار کے قریب رہنے والے لوگوں کی حمایت سے ہو رہے ہیںآئے دن ایسی خبریں آرہی ہیں۔ریاست کے بے بس اور لاچار لوگ اب یہ ماننے لگ ہیں کہ ریاست میں کوئی قانون ونظام نہیں ہے اور یہاں کوئی محفوظ نہیں ہے۔