منڈیا میں شاہین پی یو کالج بیدر کے طلباء کی ٹیم ریاستی سطح کے فٹبال ٹورنمنٹ میں حصہ لے گی بیدر ضلع کے قاضی واسق علی کم عمر میں 4مرتبہ ریاستی سطح کے ٹورنمنٹ میں حصہ لینے والے کھلاڑی
بیدر۔5؍نومبر۔(ایس او نیوز؍ محمدامین نوازبیدر)۔بیدر شہر کا معروف تعلیمی ادارہ شاہین ادارہ جات کے جماعت پی یو سی کے طلباء کی فٹبال ٹیم ریاستی سطح کے ٹورنمنٹ میں حصہ لے رہی ہے ۔اس ٹیم کے کپتان محمد واسق علی جو اس ٹورنمنٹ کے بشمول4مرتبہ ریاستی سطح کے فٹبال ٹورنمنٹ میں حصہ لینے والے سب سے کم عمر کھلاڑی ہیں ۔واسق علی نے سینٹ جوزف ہائی اسکول میں جماعت نہم اور دہم میں جب زیرِ تعلیم تھے دو مرتبہ بلاری میں ریاستی سطح کا ٹورنمنٹ کھیل چکے ہیں اورایک مرتبہ مڈکیری میں اور اس مرتبہ منڈیا میں ریاستی سطح کا فٹبال ٹورنمنٹ میں اپنی ٹیم کی قیادت کرتے ہوئے حصہ لے رہے ہیں ۔بیدر شہر کے فٹبال کی تاریخ میں واسق علی ایک ایسے کم عمر فٹبال کھلاڑی ہیں جنھوں نے کم عمری میں 4مرتبہ ریاستی سطح کے فٹبال ٹورنمنٹ میں حصہ لئے ہیں ۔ریاستی سطح کے ٹورنمنٹ میں حصہ لینے والی بیدر ضلع کی فٹبال ٹیم کے کھلاڑیوں کے نام اس طرح ہیں مرزا عظمت‘ قاضی واسق علی‘ سید مسعود‘قائد‘علی قادری‘مجتبی‘اجئے‘عابد‘قدیر‘خلیل‘دانش‘طالب‘ انس‘عاطف‘نعمان‘ اوریحیی شامل ہیں ۔ شاہین ادارہ جات کے سکریٹری جناب عبدالحسیب نے شاہین پی یو کالج کے طلباء کی ٹیم کو اپنی نیک خواہشات کے ساتھ مبارکباد دیتے ہوئے انھیں منڈیا روانہ کیا ۔