سماجوادی پارٹی کے مزید چارامیدواروں کا اعلان
لکھنؤ، 15 مارچ(ایس او نیوز؍آئی این ایس انڈیا) سماجوادی پارٹی نے جمعہ کو لوک سبھا الیکشن کے لئے مزید چارامیدواروں کے ناموں کا اعلان کردیا۔ سماجوادی پارٹی کی طرف سے جاری چوتھی لسٹ میں گونڈہ سیٹ سے ونود کمارسنگھ عرف پنڈت سنگھ کو ٹکٹ ملا ہے۔ بارہ بنکی سے رام ساگرراوت، کیرانہ سے موجودہ ممبرپارلیمنٹ تبسم حسن اورسنبھل سیسابق ممبرپارلیمنٹ ڈاکٹرشفیق الرحمن برق کو امیدواربنایا گیا ہے۔غورطلب ہے کہ سنبھل سے اپرنا یادو کو الیکشن لڑانے کی بات سامنے آرہی تھی۔ یہ بھی کہا جارہا تھا کہ اس بار اس سیٹ سے یادوخاندان کا رکن میدان پراترے گا۔ اپرنا یادو نے بھی کہا تھا کہ ان کے الیکشن لڑنے یا نہ لڑنے کافیصلہ ملائم سنگھ یادواوراکھلیش یادو کے ہاتھ میں ہے۔یہ بھی کہا جارہا ہے کہ ملائم سنگھ یادو نیاپرنا کے لئیٹکٹ کی بھی سفارش کی تھی، لیکن اب اس سیٹ سے سماجوادی پارٹی نے سابق ممبرپارلیمنٹ اورمسلم قدآورلیڈرڈاکٹر شفیق الرحمن برق کو امیدواراعلان کردیا ہے۔اس کے ساتھ ہی سماجوادی پارٹی نے ابھی تک تکل 15 امیدواروں کے ناموں کا اعلان کردیا ہے۔ مین پوری سے ملائم سنگھ یادو، فیروزآباد سے اکشے یادو، بدایوں سے دھرمیندریادو، اٹاہ سے کملیش کٹھیریا، رابرٹس گنج سے بھلال کول، بہرائچ سے شبیربالمیکی، قنون سے ڈمپل یادو، لکھیم پورکھیری سے پوروی ورما، ہردوئی سے اوشا ورما، ہاتھرس سے رام جی لال سمن اورمرزا پورسے راجندرایس وند کو میدان میں اتارا ہے۔ واضح رہے کہ بی ایس پی اورآرایل ڈی کے ساتھ اتحاد کے تحت سماجوادی پارٹی 37 لوک سبھا سیٹوں پرالیکشن لڑرہی ہے۔