نائینڈ ہلی سلک بورڈ سگنل فری کاریڈور مارچ تک تیار ہوگا: میئر سمپت راج

Source: S.O. News Service | By Shahid Mukhtesar | Published on 23rd August 2018, 10:01 PM | ریاستی خبریں |

بنگلورو،23؍اگست(ایس او نیوز) بنگوروکے نائینڈ ہلی سے لے کر سنٹرل سلک بورڈ تک مجوزہ سگنل فری کاریڈور مارچ 2019 تک مکمل ہوجائے گا۔ یہ بات آج شہر کے میئر سمپت راج نے کہی۔

آج یہاں بسونگڈی کے رکن اسمبلی روی سبرامنیا اور بی بی ایم پی میں حکمران پارٹی لیڈر شیوراج کے ہمراہ نائینڈہلی سلک بورڈ سگنل فری کاریڈور کی تعمیر کے کاموں کا معائنہ کرنے کے بعد اخباری نمائندوں سے بات چیت کرتے ہوئے میئر نے کہاکہ شہر میں ٹریفک کے اژدہام کو قابو میں کرنے کے مقصد سے نائینڈ ہلی سے سلک بورڈ تک سگنل فری کاریڈور 153 کروڑ روپیوں کی لاگت پر تعمیر کیاجارہاہے۔ 16 کلومیٹر کی مسافت پر مشتمل اس کاریڈور کی تعمیر کے کاموں پر میئر نے اطمینان ظاہر کیا۔

انہوں نے بتایاکہ آنے والے دنوں میں ڈالرس کالونی، کے ای بی جنکشن، متھوراج سرکل، کتری گپے سرکل ، جے ڈی مرا سرکل ، اور دیگر مقامات پر بھی سگنل فری کاریڈور کی تعمیر کے منصوبوں کو جلد ہی آگے بڑھایا جائے گا۔ انہوں نے کہاکہ متھوراج سرکل میں جنکشن کی تعمیر کے دوران ایک بڑی چٹان نکل آئی ہے جس کی وجہ سے کام میں رخنہ پڑا ہے ، جلد ہی اس چٹان کو ہٹاکر کام میں تیزی لائی جائے گی۔ اس مو قع پر میئر نے بسونگڈی حلقے اور آس پاس کے علاقوں میں بی بی ایم پی کی طرف سے جاری مختلف ترقیاتی کاموں کا جائزہ لیا۔

ایک نظر اس پر بھی

منگلورو:آر ایس ایس پرچارک تربیتی کیمپ میں امیت شاہ کی شرکت۔ سرخ دہشت گردی ، رام مندر، سبریملا اور انتخابات پر ہوئی خاص بات چیت

ملک کی مختلف ریاستوں میں اسمبلی انتخابات کی مصروفیت کے باوجود بی جے پی کے صدر امیت شاہ نے منگلورو میں آر ایس ایس ’ پرچارکوں‘ کے لئے منعقدہ 6 روزہ تربیتی کیمپ کے اختتام سے ایک دن پہلے ’سنگھ نکیتن‘ میں پہنچ نے کے لئے وقت نکالااور تربیتی کیمپ کے شرکاء سے خطاب کیا۔

مشاعروں کو با مقصد بنا کر نفرت کے ماحول کو پیار اور محبت میں بدلا جاسکتا ہے : سید شفیع اللہ

مشاعرے اردو زبان اور ادب کی تہذیب کے ساتھ ساتھ امن اور اتحاد کو فروغ دینے کا ذریعہ بھی ہیں۔ ملک اور سماج کے موجودہ حالات کو بہتر بنانے کیلئے زیادہ سے زیادہ مشاعروں کا انعقاد کیا جائے۔ بنگلورو میں بزم شاہین کے کل ہند مشاعرے میں ان خیالات کا اظہار کیا گیا۔

ٹیپوجینتی منسوخ کرنے کی کوئی تجویز نہیں ہے جواہر لال نہروکی جنم دن تقریب سے وزیراعلیٰ کااظہار خیال

کسانوں کی طرف سے حاصل کردہ زرعی قرضہ معاف کئے جانے کے سلسلہ میں شکوک وشبہات کا شکار نہ ہوں۔ قرضہ وصولی کیلئے کسانو ں کوغیر ضروری طور پر اذیت دی گئی تو بینک منیجرکو بھی گرفتار کیا جاسکتا ہے ۔