خشک سالی سے نمٹنے میں سدرامیا حکومت ناکام: یڈیورپا

Source: S.O. News Service | By Jafar Sadique Nooruddin | Published on 19th May 2017, 2:15 AM | ریاستی خبریں |

بنگلورو:18/مئی(ایس او نیوز) سابق وزیراعلیٰ اور ریاستی بی جے پی صدر بی ایس یڈیورپا نے خشک سالی سے نمٹنے میں ریاستی حکومت کو پوری طرح ناکام قرار دیاہے۔ آج ٹمکور میں بی جے پی کی طرف سے منعقدہ جن سمپرک ابھیان سے خطاب کرتے ہوئے انہوں نے کہاکہ ریاست میں سنگین خشک سالی سے رعیت طبقہ اور عوام پریشان ہیں، لیکن اس صورتحال سے نمٹنے میں حکومت کوئی دلچسپی نہیں دکھارہی ہے۔ انہوں نے کہاکہ ریاست میں بی جے پی کے تمام مرکزی وزراء، اراکین پارلیمان پارٹی قائدین پر مشتمل ٹیمیں 36دنوں تک روزانہ خشک سالی کی صورتحال کا جائزہ لینے کیلئے اضلاع کا دورہ کریں گی۔یڈیورپا نے کہاکہ ریاست میں زیر زمین پانی کی سطح میں غیر معمولی گراوٹ کے سبب فصلیں تباہ ہورہی ہیں۔ ریاست کے ملناڈ اور وسطی علاقوں میں ناریل کی فصلیں نقصان سے دو چار ہوئی ہیں۔ اسی طرح سپاری کی فصلوں کو بھی خسارہ کا سامنا کرنا پڑا ہے۔ ریاستی حکومت کی طرف سے کسانوں کو معاوضہ کا اعلان نہیں ہوا۔گؤ شالاؤں کی دیکھ بھال نہیں کی جارہی ہے۔ ریاست کی صورتحال سے مرکز کو آگاہ کرانے کیلئے بی جے پی گورنر واجو بھائی والا پر زور دے گی۔ بی جے پی میں اختلافات کی خبروں کو بے بنیاد قرار دیتے ہوئے یڈیورپا نے کہاکہ پارٹی متحد ہوکر ریاست میں اپنے آپ کو مضبوط کرنے کیلئے کام کررہی ہے۔

ایک نظر اس پر بھی

چنتامنی میں پی ڈی او گرام پنچایت صدر پر لاپرواہی کا الزام ؛ دلت سنگھرش سمیتی کا احتجاجی مظاہرہ 

دلت طبقہ کے علاقوں کو بنیادی سہولت و سرکاری سہولتوں کو فراہم کرنے میں کوتاہی و من مانی کرنے والے پی ڈی او آفیسر و گرام پنچایتی صدر کی مخالفت کرناٹکا دلت سنگھرش سمیتی کے کارکنان تعلقہ کے چلکنرپور گرام پنچایتی دفتر کو تالا لگاکر زبردست احتجاج کیا۔

کانگریس کے کا ہل اراکین اسمبلی کو پارٹی ٹکٹ ملنا مشکوک بے کار اور بے عمل لجسلیٹرس کی فہرست تیارکرنے ریاستی قیادت کو راہل گاندھی کی ہدایت

پچھلے ساڑھے 4؍سال سے سرکاری اسکیموں سے استفادہ کرتے ہوئے اپنے حلقوں کے لوگوں کو فائدہ نہ پہنچانے والے چند اراکین اسمبلی کو آئندہ ریاستی اسمبلی کے لئے ہونے والے انتخابات میں پارٹی ٹکٹ نہ دیئے جانے کا امکان ہے۔

ممتاز قو می رہنماقمرالاسلام کا جسد خاکی مکمل سرکاری اعزاز کیساتھ سپرد لحد،وزیر اعلیٰ سدرامیا، اورکئی کابینی وزراآخری دیدار کرنے والوں میں شامل

ممتاز قومی رہنما الحاج قمرالاسلام کو 19ستمبر کی رات مکمل سرکاری اعزاز کے ساتھ سپرد لحد کیا گیا۔کے سی ٹی گراؤنڈ میں تقدس مآب الحاج ڈاکٹر سید شاہ گیسودراز خسرو حسینی صاحب قبلہ سجادہ نشین بارگاہ بندہ نوازؒ نے مرحوم قمرالاسلام کی نماز جنازہ پڑھائی اور دعائے مغفرت فرمائی۔