کلبرگی25اپریل (ایس او نیوز؍یواین آئی) لوک سبھا میں کانگریس کے لیڈر ایم ملک ارجن کھرگے نے کہا کہ وزیراعلیٰ سدرامیا کی قیادت میں پارٹی پارٹی کرناٹک اسمبلی انتخابات لڑرہی ہے اور اگر کانگریس اکثریت میں آتی ہے تو وہ خودہی ریاست کے اگلے وزیر اعلی ہوجائیں گے ۔مسٹر کھڑگے نے آج یہاں پریس کانفرنس میں کہا کہ کرناٹک کی 224سیٹوں کے لئے 12مئی کو ہونے والے انتخابات میں کانگریس کی پوزیشن مضبوط ہے اور اسکے پھر سے اقتدارمیں آنے کا قوی امکان ہے ۔کانگریس مسلسل کہہ رہی ہے کہ وہ وزیراعلی سدارمیا کی قیادت میں ریاستی اسمبلی کا انتخاب لڑرہی ہے لیکن انکے پھر سے وزیر اعلی بننے کے اعلان سے گریز کررہی ہے ۔یہ پوچھے جانے پر کہ کیا پارٹی کی مرکزی قیادت نے یہ فیصلہ کرلیاہے کہ ریاست کا اگلاوزیر اعلی کون ہوگا ،مسٹر کھڑگے نے کہا کہ جب انتخابات کا ماحول ہو تو اس طرح کا غیر ضروری تنازعہ پیدانہیں کیا جانا چاہئے ۔