سدارامیا حکومت مختلف اداروں کو 96؍ایکڑ زمین الاٹ کرے گی
بنگلورو،11/دسمبر (ایس او نیوز) ریاست میں انتخابات کے پیش نظر راجدھانی بنگلور کے داسن پورہ ہوبلی کے موچوہلی میں 39؍مختلف تنظیموں میں ایک تا تین ایکڑ زمین تقسیم کرنے کا فیصلہ کیاگیا۔ وزیراعلیٰ سدارامیا کی صدارت میں آج منعقدہ کابینہ اجلاس میں یہ فیصلہ کیاگیا ہے۔ آج کابینہ میں جملہ96؍ایکڑ زمین 5؍مختلف تجاویز کے تحت اور36؍ نجی تعلیمی اداروں کو فراہم کرنے کا فیصلہ کیاگیا۔ ریاستی وزیر برائے قانون ٹی بی جئے چندرا نے یہ اطلاع دی ہے۔ جن اداروں کو یہ زمین فراہم کی گئی ہے اس کی تفصیل اس طرح ہے۔ پدماشالی سنگھا کو ایک ایکڑ ،کاکینل مٹھ کو 3؍ایکڑ ،اپارارا سنگھا کو 2.20 ایکڑ مسلم یتیم بچوں کی ترقی میں سرگرم ادارہ کو 1.20؍ایکڑ کرناٹک دلت شنکھرش سمیتی کو ایک ایڑ ویراشیوا مہاسبھا کو 3؍ایکڑ ، کربورہ سنگھا کو 3؍ایکڑ ، وشوا کرماسنگھا کو 1.20ایکڑ زمین منظور کرنے کا کابینہ نے فیصلہ کیا ہے۔ باقی اداروں کے نام اس طرح ہیں۔ آریہ اڈیگارا سنگھا، کروہیناشٹی سماج، مڑبوال، سنگھا والمیکی نائکرا سنگھا، کونیگیرے سنگھا، پسماندہ طبقات فورم، دیوڈیگا سنگھا ، کاکینل مہاسمستا آستانہ، دیونگاسماج، ساویرتا سماج ، اپارارا سنگھا کو نیچی ٹیگرا سنگھا، دومبی داسرا کیشما ترقیات سنگھا، ہندو ساورا، مسلم ادارے تگلارنگھا ، ویرشیوا، مہاسبھا ، بنجارہ ، مہیلا سیوا سماج، اریونا سدیشورا سنگھا، انگلو انڈین سنگھا گلرسنگھا، اہلیابائی ہلکیرے سنگھا ، کرمارا سنگھا انہیں جملہ36؍ایکڑ زمین کے علاوہ تعلیمی اداروں میں زمین تقسیم کرنے کا فیصلہ کیاگیا ہے۔ تالابوں کو ترقی دینے کی اسکیم کے تحت ریاست کے تالابوں کی ترقی دینے کا فیصلہ کیاگیا ہے اس کے لئے ایک سو کروڑ روپئے جاری کئے جائیں گے۔ اتنے دنوں سے مکانات کی تعمیر کے لئے اے گروپ ملازمین کو 25؍لاکھ روپئے فراہم کئے جاتے تھے۔ اب یہ رقم 40؍لاکھ روپئے کرنے کا فیصلہ کیاگیا ہے۔ اسی طرح سول سرویس ملازمین کو مکان تعمیرکرنے 15؍لاکھ روپئے فراہم کئے جاتے تھے اب 25؍لاکھ فراہم کرنے کا فیصلہ کیاگیا ہے۔