سڈبی کے توسط سے چھوٹی صنعتوں کو وجئے بینک کے قرضے
بنگلورو،20؍فروری(ایس او نیوز) ریاستی حکومت کے ادارہ کرناٹکا اسمال اسکیل انڈسٹریز ڈیولپمنٹ کارپوریشن نے چھوٹی صنعتوں کو قرضہ فراہم کرنے کیلئے وجئے بینک کے ساتھ ایک معاہدہ کیا ہے۔ وجئے بینک اور سڈبی کے اشتراک سے چھوٹی صنعتوں کو کم شرح سود پر یہ قرضہ مہیا کرایا جائے گا۔آج وجئے بینک کے چیف ایگزی کیٹیو آفیسر کشور سنی اور سڈبی کے منیجنگ ڈائرکٹر منوج متل نے اس سلسلے میں ایک معاہدہ پر دستخط کئے۔اس معاہدہ کے مطابق وجئے بینک سڈبی کی توسط سے چھوٹی صنعتوں کو سالانہ 9.6 فیصد شرح سود پر قرضہ فراہم کرے گا۔ مرکزی حکومت کے اسٹانڈ اپ انڈیااسکیم کے تحت چھوٹی صنعتوں کو یہ رقم دی جائے گی۔ اس موقع پر ڈاکٹر کشور سنی نے بتایاکہ وجئے بینک نے وزیر اعظم مدرا اسکیم کے تحت چھوٹی صنعتوں کو اب تک 1250 کروڑ روپیوں کی مالی امداد دی ہے۔