بھوپال،15؍اکتوبر (ایس او نیوز؍آئی این ایس انڈیا)مدھیہ پریش کے وزیر اعلیٰ شیوراج سنگھ چوہان بی جے پی کے ذریعہ منعقد ’گجرات گورو یاترا‘ میں شامل ہونے گجرات کے بھروچ ضلع کی اسمبلی انکلیشور جائیں گے۔ شیوراج سنگھ چوہان آج بھوپال سے سورت کے لیے روانہ ہوں گے۔بھوپال سے وہ انکلیشور جائیں گے۔ اور78 کلومیٹر کی یاترامیں شامل ہوں گے۔شیوراج یاترا کے دوران عوام سے خطاب کریں گے شیوراج انکلیشور سے بھروچ کے40 کلومیٹر کی یاتر میں کئی مقامی پروگراموں میں حصہ لیں گے۔اسکی بعد وہ بھروچ سے بڑودہ تک 85 کلومیٹر کی یاترا میں شامل ہوں گے۔اسی کے ساتھ بتا دیں کہ مدھیہ پردیش کے وزیر اعلیٰ شیوراج سنگھ چوہان نے جمعرات کو کہا تھا کہ صوبہ کے کسانوں کی پیداوار مقررہ قیمت سے کم پر نہیں فروخت ہونے دی جائے گی۔کسانوں کو اسکیم کے ذریعہ زیادہ بونس دینے کا انتظام کیا گیا ہے۔ چوہان نے نے کہا کہ حکومت نے کسانوں کیلئے زیادہ بونس کا انتظام ایک اسکیم کے ذریعہ کی ہے۔ اسکا فائدہ لینے کیلئے رجسٹریشن کروانا ضروری ہے۔ کسان بھائی رجسٹریشن کروانے میں پیچھے نہ رہیں ورنہ منصوبہ کا فائدہ نہیں مل پائے گا۔