کانگریس کی کامیابی کے بعد پارٹی کے سنئیر لیڈروں کو زبان بند رکھنی ہوگی:رام لنگا ریڈی
بیدر،16؍اپریل(ایس او نیوز)ریاستی وزیر ٹرانسپورٹ رام لنگا ریڈی نے کہا کہ ضمنی انتخابات میں کانگریس کی کامیابی کے بعد اب پارٹی کے سنئیر لیڈروں کو اپنی زبان بند رکھنی ہوگی۔انھوں نے صحافیوں کو بتایا کہ گنڈل پیٹ میں انھیں جیت کا یقین تھا ‘لیکن نجنگڈ میں اتنی آسان جیت ملے گی ‘یہ نہیں سوچا تھا۔ اب کانگریس کے سنئیر لیڈروں کو زبان بند رکھنے کی ضرورت ہے ۔پارٹی کو مضبوط بنانے کیلئے تجاویز اور رہنمائی دیں۔ بی جے پی انتخابات کے دوران ریاستی حکومت کو بدعنوان بتایا تھا ‘بی جے پی نے ہمیشہ اعلیٰ ذات کے رائے دہندوں کو اہمیت دی ہے ۔بی جے پی ہی نے فرقہ پرستی کی بنیاد پرانتخابات لڑاتھا‘کانگریس فرقہ پرستی پر یقین نہیں رکھتی ‘وہ تمام کمیو نیٹیز کو ساتھ لے کر چلنے میں یقین رکھتی ہے۔انھوں نے کہا کہ ریاست میں وزیر اعظم نریند رمودی کے لہر نہیں ہے۔یو پی میں ملی کامیابی کے بعدبی جے پی کرناٹک میں اسمبلی انتخابات جیتنے کا خواب دیکھ رہی تھی ۔اگلی حکومت کانگریس کی ہوگی اور سدارمیا وزیراعلیٰ بنیں گے۔ریاست میں چار مرکزی وزیر و دیگر ارکان پارلیمنٹ نے انتخابات کے دوران ریاست میں خشک سالی کا ذکر تک نہیں کیا۔ بی جے پی لیڈر اپنی ذمہ داری نبھانے میں ناکام رہے ہیں۔بی ایس یدی یورپا نے ہمیشہ جھوٹ کا ساتھ دیا ہے۔اور بی جے پی لیڈر شوبھا کرندلاجے نے جس غیر شائستہ زبان کا استعمال کیا تھا اس سے ناراض خواتین نے شوبھا کو جم کر آڑے ہاتھوں لیا تھا ۔