چنتامنی 26 /ستمبر(محمد اسلم/ایس او نیوز )علم حاصل کرنے کیلئے عمر کی کوئی حد مقرر نہیں ہوتی، ماں کی گود سے لیکر قبر کی گود تک طالب علم حصول علم کیلئے جدوجہد کرکے بھی یہ دعوی نہیں کرسکتا کہ انہوں نے جملہ علوم میں مہارت حاصل کرلی ہو، یہ بات سماجی کارکن و ظیفہ یاب سی بی آئی افسرارون بابو نے کہی ۔ وہ تعلقہ کے ٹی ۔ہسور اور مارپناہلی سرکاری اسکولوں کے تمام طلباء و طالبات میں اسکول بیگس تقسیم کرنے بعد منعقد ہ تقریب سے خطاب کررہے تھے، انہوں نے کہا کہ حکومت کے جانب سے دی جانے والی سہولتیں اور عوام سے اسکول کو دی جانے والی سہولتوں سے بچے فائدہ اُٹھاتے ہوئے اعلیٰ تعلیم حاصل کرنے کی کوشش کریں اور استاتذہ بچوں کو عمدہ تعلیم دینے کی بھی کوشش جاری رکھیں علم انسان کا ایک مستقبل ساتھی ہے دولت بے وفا ہوتی ہے توعلم سب سے زیادہ وفادار ہوتا ہے۔علم ایک ایسا نور ہے جو انسان کو نہ صرف جسمانی بلکہ روحانی تقویت بھی عطا کرتا ہے علم انسان کے اندر صحیح اور غلط کو پہچانے کی تمیز پیدا کرتا ہے وہ نو جوان جو اپنے اندر علم حاصل کرنے اور زندگی میں کچھ کر گزرنے کا عزم رکھتے ہیں،کبھی برائیوں کو دیکھ کرنہیں ڈگمگاتے اور ان کے قدم علم کے دریا کو پار کرنے کے لیے ہمیشہ تیار رہتے ہیں ارون بابو نے کہا کہ ریاستی حکومت تعلیم کو عام کرنے اور معیاری تعلیم دینے پر توجہ دے رہی ہے اور کئی اسکیم لاگو کرتے ہوئے والدین کا بوجھ کم کررہی ہے ایسے وقت میں اپنے بچوں کو اعلیٰ تعلیم دلانے کے لئے توجہ دیں ورنہ آج کے دور میں تعلیم نہیں تو کچھ بھی نہیں ۔

انہوں نے کہا کہ جہاں بچے اسکول کے اوقات میں ادھر اُدھر گھومتے ہیں  ہر شہری کو اس کا حق ہے کہ اس کو اسکول کی طرف لاکر چھوڑیں کہیں بازاروں میں گھوم رہے ہوں یا کہیں اور دکانوں میں کام کرنے سے انہیں بچائیں اگر ان کی عمر ڈھل گئی تو وہ ان پڑھ اور گنوار بن جائیں گے ایک دور وہ تھا کتابوں کے ذریعہ تعلیم حاصل کی جاتی تھی۔اب ایسا دور اگیا اور چل رہا ہے کہ کمپوٹر کے ذریعے اساتذہ تعلیم دیں گے ایسے ماحول میں بچوں کو تعلیم سے دور رکھنا ٹھیک نہیں ہے۔ چھ سال سے لیکر چودہ سال کے بچوں کو مفت تعلیم دینا حکومت کا مقصد ہے اس پر چلنا اساتذہ کا کام ہے ۔اور ہرتنظیم کے کارکنان کے لئے ضروری ہے کہ  اس پر توجہ دیں۔ اس موقع پر بی جے پی پارٹی کے تعلقہ صدر انجنیا ریڈی نائب صدر کیوار ایم۔نارائن سوامی جنرل سکریٹری وائے ۔ایس۔مہیش،کورٹ ہلی منجو دیوراج ہادیگرہ ہیچ۔ایم۔ومشی کرشنا پرتپا اروجن شرنیواس سمیت اسکولس کے ٹیچر وغیرہ موجود تھے۔