مسعوداظہر پر چین کے ویٹو سے بھڑکے راہل، کہا جن پنگ سے ڈرتے ہیں مودی، خاموش کیوں؟
نئی دہلی، 14 مارچ(ایس او نیوز؍آئی این ایس انڈیا) چین کی جانب سے اقوام متحدہ کی سلامتی کونسل (یواین ایس سی) میں مسعود اظہر کوعاملی دہشت گرد قرار دینے کی تجویز پر ویٹو کئے جانے کے بعد ہندوستان میں سیاست تیز ہو گئی ہے۔ہندوستان کو جہاں جھٹکا لگا ہے تو وہیں ملک کی اہم اپوزیشن پارٹی کانگریس نے مودی حکومت پر نشانہ لگایا۔کانگریس صدر راہل گاندھی نے ٹویٹ کر لکھا کہ وزیر اعظم نریندر مودی چین کے صدر شی جن پنگ سے ڈرتے ہیں،جب بھی چین ہندوستان کے خلاف کوئی ایکشن لیتا ہے تو وزیر اعظم نریندر مودی کچھ نہیں بولتے ہیں۔کانگریس صدر نے اس ٹویٹ میں وزیر اعظم نریندر مودی کی چین کی پالیسی پر بھی طنز کسا اور تین پوائنٹ میں بیان کیا۔راہل نے لکھا کہ پی ایم گجرات میں شی جن پنگ کے ساتھ جھولا جھولے ہیں، دہلی میں جن پنگ کو گلے ملتے ہیں، چین میں ان کے سامنے جھک جاتے ہیں۔مسعود اظہر کو عالمی دہشت گرد قرار کرانے کی کوشش میں چین کی جانب سے پیشکش گرائے جانے کے بعد کانگریس نے کہا کہ وزیر اعظم نریندر مودی کی خارجہ پالیسی سفارتی آفات کا سلسلہ ہے۔وہیں شیوسینا کے ایم پی سنجے راوت کا کہنا ہے کہ ہم نے ہمیشہ کہا ہے کہ ہمارا پاکستان دشمن نہیں ہے بلکہ چین سب سے بڑا دشمن ہے۔
کانگریس نے مودی حکومت کے علاوہ اقوام متحدہ میں اس قواعد میں رکاوٹ ڈالنے کو لے کر چین اور پاکستان کی بھی تنقید کی۔کانگریس کے چیف ترجمان رندیپ سرجیوالا نے ٹویٹ کرتے ہوئے کہا کہ دہشت گردی کے خلاف عالمی جنگ میں یہ ایک المناک دن ہے۔انہوں نے آج پھر دہشت گردی کے خلاف جنگ کو چین پاک اتحاد نے صدمہ پہنچایا ہے۔