رائچور میں ٹریکٹر کے کھائی میں گر پڑنے کے سبب تین زرعی مزدور ہلاک
رائچور:24/مئی(ایس او نیوز) رائچور ضلع کے سندھنور تعلقہ کے جاول گیرا گاوں کے قریب ٹریکٹر کے کھائی میں گر پڑنے کے سبب تین زرعی مزدور ہلاک اور 20سے زائد زخمی ہوگئے۔پولیس نے کہاکہ قریبی موڑسے بچنے کی کوشش میں ڈرائیور نے اس کا توازن کھودیا اور یہ گاڑی 20فیٹ گہری کھائی میں گر گئی۔مہلوکین جن کا تعلق بالابانور گاوں سے تعلق ہے،سنٹرل فارم کام کیلئے جارہے تھے کہ یہ حادثہ پیش آیا۔مرنے والے دو افراد کی شناخت 30سالہ حسین پاشاہ اور 43سالہ متماں کے طورپر کی گئی ہے۔زخمیوں کو علاج کیلئے سندانور کے سرکاری اسپتال منتقل کردیا گیاجہاں 8کی حالت تشویشناک بتائی جاتی ہے۔پولیس نے اس سلسلہ میں ایک معاملہ درج کرلیاہے۔