میرٹھ،27؍مئی(ایس او نیوز؍آئی این ایس انڈیا)مرکزمیں بی جے پی حکومت کے تین سال مکمل ہونے پر29مئی کو مرکزی وزیر داخلہ راجناتھ سنگھ میرٹھ کے عوام کو حکومت کی تین سالہ کامیابیوں کی معلومات دیں گے۔ہفتہ کو بی جے پی رہنما اور میئر نے پریس کانفرنس کرکے صحافیوں کومرکزی وزیر داخلہ کے پروگرام کی معلومات دیں۔سرکٹ ہاؤس میں منعقد پریس کانفرنس میں بی جے پی کے رہنما راجندر اگروال، میئر ہرکات اہلوالیا، جنوبی رکن اسمبلی سومیندر تومر، کینٹ ممبر اسمبلی ستیپرکاش اگروال کے ساتھ بی جے پی کے میٹروپولیٹن صدر کرویش نندن گرگ موجودرہے۔بی جے پی لیڈروں نے بتایاکہ مرکزی وزیرداخلہ راجناتھ سنگھ کروکشیتر سے میرٹھ پہونچیں گے ۔میرٹھ کے سبھارتی یونیورسٹی میں ایک پروگرام کے بعدوہ اجتماع سے خطاب کریں گے۔سبھا میں میرٹھ ضلع ہی نہیں بلکہ ارد گرد کے کشیترو سے بھی لوگ شامل ہوں گے۔پروگرام میں راج ناتھ سنگھ اقتدار میں آنے سے پہلے بی جے پی کی طرف سے ملک کے عوام سے کئے گئے وعدوں میں کس کس کو پورا کیا گیا اور کس وعدے کو کیوں مکمل نہیں کیا گیا اس کے بارے میں تفصیل سے بتائیں گے۔اسی کے ساتھ مرکزی حکومت کی طرف سے ملک کے عوام کے لئے کئے گئے ترقی کاموں اور کامیابیوں کے بارے میں عوام کو آگاہ کرائیں گے۔انہوں نے بتایا کہ پروگرام کو کامیاب بنانے کے لئے بی جے پی کے ہر کارکن کو چھوٹی بڑی ذمہ داری سونپی گئی ہے۔انہوں نے بی جے پروگرام کی کامیابی کے لئے جٹ جانے کی اپیل کی۔